Hego-haizea eta giro argia, astea abiatzeko
Hego-haizea izango da protagonista asteartera arte, eta horrek atzean utziko du azken egunetako giro hotza eta bustia.
Algorri, Zumaia. Argazkia: Giovanna Santamaria Martin.
Goretti borraskak ekarritako denboralea atzean utzita, hego-haizearen eragina nabaria da Euskal Herrian, eta igandekoaren ildotik hasiko da hastea. Hori horrela, tenperatura epelak eta haizea izango dira protagonista gaur-biharretan.
Astelehenean, hegoaldeko haizea indartsu ibiliko da eta traba egingo du; haizeguneetan, bolada oso gogorrak neurtuko dira. Ondorioz, tenperatura apur bat igo daiteke ipar partean, baina maximoek berdintsu jarraituko dute hegoaldean; kostaldean 17-18 ºC-ra iritsiko dira termometroak, eta 12 ºC-ren bueltan geldituko dira. Minimoek ere gora egingo dute denean. Erdi-mailako hodeiak eta goi-hodeiak izango ditugu zeruan, baina giroa nahiko argia izango da.
Asteartean, giroak ildo beretik jarraituko du. Erdi-mailako hodeiak eta goi-hodeiak gailenduko dira, eta arratsaldetik aurrera ugaritu egingo dira; baliteke barnealdean euri pixka bat egitea orduan. Hegoaldeko haizea indartsu ibiliko da hasieran, baina arratsaldean eta gauean ahulduz joango da. Tenperatura aldaketa handirik gabe jarraituko dugu, edo apur bat jaitsiko da.
Asteazkenean, fronte batek mendebaldetik ekialdera zeharkatuko du lurraldea, eta euri pixka bat utziko du. Eguna hego-haizearekin hasiko baudgu ere, frontea iristearekin batera ipar-mendebaldera egingo du. Ondorioz, tenperaturek behera egingo dute, eta zerua oso hodeitsu geratuko da. Euri pixka bat egingo ditu, arratsaldean eta gauean bereziki, eta tenperatura maximoak nahikoa jaitsiko dira, batez ere ipar partean.
Zure interesekoa izan daiteke
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.
Giro eguzkitsua eta egonkorra aste osorako
Udaberri beteko giroa izango da Euskal Herrian datozen egunetan, 20 ºC-ak harrapatu eta pasa eta ere egingo dira egunotan eta zeruan eguzkia izango da jaun eta jabe.
Giro eguzkitsu eta egonkorra izango da asteburuan, euria atzean utzita
Haizeak indarra galduko du eta eguneko tenperatura maximoek gora egingo dute, baina baliteke Arabako eta Nafarroako zenbait tokitan izotza egitea.
137 km/h-ko ufadak neurtu dituzte Matxitxakon eta 4,8 metroko olatuak Pasaian
'Pedro' ekaitzak gogor jo du Euskal Herria, bolada gogorrak dabiltza haizeguneetan. Mendebaldeko haizea gogor jotzen ari da kostaldean eta ufada zakarrak neurtu dituzte.
Haizeagatik ezarritako abisu horia bihar arratsaldera arte egongo da indarrean
'Pedro' ekaitzak lehen arrastoak utzi ditu Euskal Herrian, eta haizeguneetan bolada oso gogorrak izan dira. Abisu horiak aktibatu dira haizeagatik eta itsasaldeko arriskuagatik.