Inoiz baino ordenagailu gehiagorekin abiatu da Euskal Encounter
Euskal Encounter topaketak, Barakaldoko (Bizkaia) BEC erakustazokan urtero teknologia berrien zaleak biltzen dituen jaiak, ateak ireki ditu ostiral honetan, hilak 22. Hortaz, lagunekin ikasi eta gozatzen duten bitartean, bertaratutakoek euren ezagutzak partekatu ahal izango dituzte, datorren astelehenera arte, uztailak 25. Gaur, ordenagailu kopuruaren marka gainditu dute, inoiz baino gehiago batu baitira: 4.608.
Lau egunetan zehar milaka bisitari izango ditu euskal topaketa teknologikoak, eta iazko marka gaindituko du 4.608 ordenagailurekin. Euskal Encounterrek 200 jarduera eta lehiaketa baino gehiago hartuko ditu barne, software librea, arte digitala, hardwarea eta bideo-jokoak bezalako gaien inguruan.
Horretaz gain, lau egun hauetan zehar diziplina desberdinak izango ditu topaketak. Beste ekimen batzuen artean, Hackathon lehiaketa burutuko da, eta bi sari banatuko ditu: bata, startup onenari eta, bestea, 48 ordutako epean sortutako enpresa berri hoberenari.
Beste alde batetik, The Lab izeneko gune berria egongo da, merkatuan finkatzea lortu duten arlo teknologikoko enpresak ezagutarazteko eta ekintzaileei edo negozio-ideia berria duten gazteei aholkularitza emateko.
Horrez gain, Opengunean doako 30 prestakuntza-saio izango dira, publiko orokorrari zuzenduak eta gai anitzen inguruan: Interneteko segurtasuna eta pribatutasuna, robotika, errealitate areagotua eta bideo-jokoak, besteren artean. Halaber, espazio horretan teknologia-produktuen hainbat stand egongo dira; bideo-jokoen gunea; baita errealitate birtuala eta handitua baliatzen duten betaurreko berrienak probatzeko aukera.
Horrenbestez, Sabino San Vicente Euskaltel Konekta fundazioaren arduradun eta bilkura teknologikoaren zuzendariak nabarmendu duenez, historiako Euskal Encounter ?ikusgarriena? izango da aurtengoa. ?Euskal party-ak interes eta ezagutza desberdinak dituzten Interneten sortutako gero eta komunitate gehiago biltzen ditu?, gaineratu du San Vicentek. Izan ere, aipatu beharra dago urtetik urtera gero eta bizkorrago agortzen direla sarrerak.
Euskal topaketa teknologikoak munduko Internet-konexiorik azkarrenetarikoa du, segundoko 40 Gb-ekoa, eta formalkuntzaren eta ekintzailetzaren aldeko apustua egiteko helburua du.
Zure interesekoa izan daiteke
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.