iPaderako sistema eragile propioa aurkeztu du Apple konpainiak
Apple konpainiak iPad tabletetarako sistema eragile berria, iPad OS, aurkeztu zuen atzo Kalifornian, WWDC Garatzaileen Munduko Biltzarrean. Aurrerantzean, beraz, iPad tabletek ez dute iPhone gailuek erabiltzen duten iOS sistema eragilea erabiliko.
Tim Cook buru duen konpainiak, iPadetarako ez ezik, Apple Watch erloju adimendunetarako (WatchOS 6) eta Mac ordenagailuetarako (macOS 10.15 Catalina) sistema eragileen eguneratzeak iragarri ditu.
iPadOS berriak orain artekoaren antzeko hasierako orria badu ere, hainbat berritasun ditu: hainbat pantaila batera irekita lan egiteko aukera edota SD txarteletako eta USB memorietako edukiak zuzenean artxiboen aplikazioan irekitzea. Horrez gain, arkatz digitalaren azkartasuna 20 milisegundotik 9 milisegundora jaitsiko da.
Apple Watch erloju adimendunarekin lotuta, WatchOS 6 sistema eragileak zuzenean, modu autonomoan, App Store aplikazioen dendara joateko aukera eskainiko du. Erlojuak telefonoari lotuta egoten jarraitu beharko badu ere, erlojutik bertatik aplikazioak erosi eta jaisteko aukera izateak gailuaren autonomia nabarmen areagotuko du.
Mac ordenagailuetan ere bada berritasunik. Izan ere, macOS Catalina sistema eragilea bateragarria izango da iPaderako diseinatutako aplikazioekin. Horrela, orain arte tableterako ziren produktuak Mac ordenagailuetara lekualdatu ahal izango dira.
Iragarpen horiek itzalean utzi zuten iPhone gailuaren sistema eragilearen (iOS) eguneratzea. 13. bertsioak modu iluna izango du bere baitan, besteak beste, bateriaren autonomia handitzea ahalbidetuko duena.
Sistema eragile berrien beta bertsioak uztailetik aurrera egongo dira erabiltzaileen eskura, eta udazkenean merkaturatuko dira behin betikoak.
Albiste gehiago teknologia
Linda Yaccarino X enpresako zuzendariak dimisioa eman du, bi urtez Elon Musken konpainiaren buru izan ondoren
Yaccarinok alde egiteko erabakia iragarri du arrazoirik eman gabe, eta aditzera eman du ez dagoela inolako desadostasunik Elon Muskekin. Are gehiago, "izugarri eskertuta" dagoela erantsi du.
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.