Ibon Sarasola: 'Euskaltzaindian gertatzen denak ez du konponbiderik'
Ibon Sarasolak dimisioa eman du Euskaltzaindiako Hiztegi Batuaren arduradun gisa. Sarasolak dionez, "Euskaltzaindian gertatzen denak ez du konponbiderik" eta ez du egun bizi den moduko egoerarik ezagutu.
Euskadi Irratiko Mezularia saioan elkarrizketatu dute Sarasola eta bertan baieztatu du urtea amaitzearekin batera Hiztegi Batuaren ardura izateari utziko diola. Esan duenez, Gramatika Batzordeak osotasunean aurkeztutako dimisioaren ondoren, "solidaritate antzera" hartu du erabakia. Euskaltzaindiak "bidegabe jokatu" duela uste du.
"Giro horretan ez nago eroso. Gertatu dena gertatuta, ezin dut hemen ezer gertatu ez bazen bezalaxe jarraitu", gaineratu du.
Adierazi duenez, Euskaltzaindian bi iritzi daude egun, eta horien arteko konponbidea bilatzea zail ikusten du. "Iritzietako bat akademiarekin loturikoa da, hau da, akademia izaera mantentzearekin, eta hiztegi arauak eta gramatika arauak aztertzearekin. Bada, ordea, bigarren iritzi bat. Horrek, Euskaltzaindia euskaltzale elkarte batean bihurtu nahi du", esan du.
Euskaltzaindiak abenduaren 20an Baionan egingo duen bileran aztertuko dituzte dimisioak. Horren ildora, arazoa bilera batean ez dela konponduko uste du, "berandu baita". "Arazoa sakonagoa da, eta konponbide zaila du", gaineratu du. Hala ere, jarrera irekia agertu du Sarasolak eta erabakia ez dela atzera bueltakoa esan du.
Euskaltzaindiako Hiztegi Batuaren arduraduna orain 50 urte izendatu zuten euskaltzain urgazle eta azken 25 urtetan euskaltzain oso izan da. Urte hauetan guztietan modu honetako arazorik ez duela ezagutu baieztatu du.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.