Arriaga Antzokiak gala berezi bat egingo du 125. urteurrena ospatzeko
1890eko maiatzaren 31n, 20:00etan, altxatu zen lehen aldiz Arriaga Antzokiko oihala, eta ikus-entzuleek Arriaga izena jarri zioten berehala, antzokia hartzen zuen plazaren izenarengatik, metonimiaz; plazak, noski, Juan Crisostomo Arriaga musikari bilbotar handiaren omenez du izen hori, eta gau hartan ikus-entzuleek La Gioconda Amilcare Ponchielliren opera ikusi ahal izan zuten.
125 urte geroago, maiatzaren 31 batez ostera ere, Arriaga Antzokiak gala berezia antolatu du, eta, antzokiaren arduradunek esan dutenez, agertoki gainean "gure eszenan oso ezagunak diren artista ugari, horietako batzuk nazioartean ere ospe handia dutenak", bilduko dituzte. Horien artean, abeslariak, antzezleak, lirikako izen handiak, dantzako maisuak, idazleak eta beste egongo dira.
Ekitaldian, artistek zuzeneko emanaldiak eskainiko dituzte, eta batzuk, gainera, ikuskizun bereziak prestatzen ari dira ospakizun horretarako.
Halaber, kultura alorreko pertsona ezagunek Arriaga Antzokia omendu eta aintzatespena adierazteko grabatu dituzten zorion mezuak jasotzen dituzten bideoak ere emango dira.
Ekitaldia Emilio Sagik, Arriaga Antzokiko zuzendari artistiko eta azken urteetako bultzatzaile nagusietakoak, gidatuko du, eta Gurutze Beitia eta Enriqueta Vega antzezleak arituko dira berarekin batera.
Sarrerak, 10 euroan
Galarako sarrerak apirilaren 27an jarriko dituzte salgai, 10 euroko prezio bakarrean. Ohiko bideetatik erosi ahalko dira: antzokiaren webgunea, 946 850 850 telefono zenbakia eta leihatilak.
Inaugurazio eguneko esku-orria
orriaZure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.