Berri Txarraken 'disko beltzak', hamar urte
Denboraren -bai, poligrafo bakar hori- joana gupidagabea da, eta datu hutsak, hotzak. Hamar urte joan dira dagoeneko Aitor Oreja gitarristak taldea utzi eta Berri Txarrakek, laukote formatutik hirukoterako jauzia eginda, "Jaio.Musika.Hil" diskoa atera zuenetik.
Urteurren biribila aitzakia hartuta, binilozko luxuzko edizioa (gardena da diskoa) aurkezten dihardu taldeak Durangoko Azokan. Hogei urtean ondutako diskografia osoa formatu horretan merkaturatzeko urrats bat gehiago da hau, gainera, abeslariak solasaldian argitu duenez.
Urbizuren esanetan, gaur hizpide hartu duten diskoak mugarria ezarri du taldearen joanean; "Libre" "hardcorearen eta Eskandinaviako rockaren ukitua duen diskoa" egin eta gero, konposatzeko orduan "kantuak biluztera", apaingarri hutsak erantsi eta kantuaren erroak bilatzera, lerratu zen taldea "Jaio.Musika.Hil"en eta ordutik aurrerako lanetan, filosofia moduan ("Payola lana beste urrats bat da, bide horretan").
Hein handi batean, noski, orduan zenbait gitarrista Orejaren ordezko gisa probatu eta erabat aseta ez gelditu ostean hirukote formatura igarotzeak ekarri zuen aldaketa hori.
Eta pozik dago Gorka orduan hartutako erabakiarekin, nahiz eta gitarrista gisa bere burua "estutu" behar izan zuen formatu berrira egokitzeko. "Ahalegin handia eskatu zigun aldaketak: kantuak berrikasi beharra… Baina maite dut hirukote formatua. Nire gustuko talde asko dira hirukoteak: Police, Motorhead, Nirvana…", esan du.
Beste talde batzuen bidean inflexio puntua ezarri duten diskoek bezala (Metallicaren "Black Album", AC/DCren "Back in Black" edo Machine Headen "The Blackening", berbarako) azal beltza duen diskoa entzun behar izan du Urbizuk oraintsu, berrargitalpenaren kariaz, eta "gustura asko" egin duela argitu du: "Zuzenean, bertako kantu asko jotzen ditugu oraindik ere. Eta atsegin handiz egiten dugu, benetan sentitzen ditugu".
Berri Txarraken etorkizun hurbilari dagokionez, taldeak hamar eguneko bira bati ekingo dio ondorengo egunetan ("hamar egun, hamar kontzertu eta eztarri bat", esan du Urbizuk), eta, oraindik lantegi horretan jarri ez badira ere, kantu berriak konposatzeko gogoz direla adierazi du.
Azkenik, Durangoko Azoka honetan aurkeztuko diren lanei dagokienez, Bi Balaren lan berriak ("kontraesanera bultzatzen zaituzten hitz oso interesgarriak ditu") eta "JP Lohian & Klonen Klana" Joseba Ponceren bakarkako diskoak ("ikaragarria da berak bakarrik eginiko lana, eta entzunaldiekin hazi egiten da diskoa") bereganatu dute Urbizuren arreta.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.