Artea, nahieran
Enkarguz egiten du lan Luis Olaso artista bilbotarrak. 1986an sortutakoa izan arren, duela hamarkada bat sortu zuen Artea eta Muralismoa izeneko enpresa, gure herrietako bazter ahaztuak berreskuratzeko asmoz. Eguneko ordu gehienak eskaintzen dizkio lan horri, eta, tarteka, bere pintura estudioan sartzen da, koadro abstraktuak margotzeko.
Lekeition egin zuen bere lehen lanak emakume arrantzaleei egiten die gorazarre; itsasoaren inguruan lan egiten duten emakumeei omenaldia egin zien, Lekeitioko Udalaren enkarguz.
Hamar urte igaro dira eta makina bat herritan egin ditu muralak: Ortuellan, Berangon, Arrigorriagan, Getxon, Barakaldon, Iurretan, Lekeition, Elgoibarren, Erandion eta Bilbon. Estatuan ere lan egiten dute; Vigon, Madrilen, Pinoson (Valentzian) ? Bederatzi lagun aritzen dira enpresa artistiko honetan, eta Frantzian, Alemanian eta Panaman lan egiteko enkarguak jaso dituzte.
Arte publikoa erakusleiho erraldoia bat bezala sentitzen du Luis Olasok, "herritarrek nahi duten mezua kontatzeko eta transmititzeko aukera eskaintzen duen mihise handi bat".
"Muralak kalean daude; herritarrek ulertu eta bere sentitu behar dituzte". Etxeetako hormetan egiten dituzte artelanak, herriak berak proposatzen duen gaia irudikatuz: "Marrazki historikoak, paisaiak, zuri-beltzeko argazkiak?Gertatu izan zaigu herritar batek esatea margotzen ari ginen hura bere senide bat zela". Akrilikoa erabiltzen dute eta bi astetik hilabete batera ematen dute aldamiora igota.
Udalerriaren ezaugarriak aztertuta eta herritarren eta udalen artean ideiak partekatuta abiatzen da sorkuntza prozesua. Behin proposamena erabakita, artisten txanda da: eraikinetako hormak birgaitu ondoren, pintoreak lanean hasten dira, Luis Olaso zuzendari artistikoaren gidaritzapean.
"Lan egingo dugun hormaren tratamendu egiten dugu aurrena. Hormak behar bezala egon behar du murala ondo itsatsita gelditzeko. Irudiaren arabera aukeratzen dugu materiala. Murala koadro bat bailitzan pintatzen dugu, baina 10 bider 10 metroko koadro batekin ari gara lanean".
Neguan lanak adostu eta udaberritik udazkenera ematen dute beharrean. Aurrekontua? 10.000 eurotik 20.000 eurora, lanaren arabera. Orain arteko zailena zein izan den galdetuta, Luisek ez du zalantzarik: 2011n Bilbon egin genuena, Mariaren Bihotza elizarena. "Teknikoki konplikatuena izan da; perspektiba lineala zaindu behar genuen, elizaren atzeko aldea margotu egin genuelako eta beste aldearen zati bat zela irudikatu beharra genuelako. Kolore egokia aukeratzea ere zaila izan zen. Bi pintore izan ginen, bi hilabetez".
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.