'Galderekin asmatu eta gauza asko ezbaian jarri nahi ditu ‘El rey’k'
"Ezagutzen duen horrek soilik du errealitatea aldatzeko ahalmena". Premisa hori du abiapuntu Alberto San Juan antzerkigile eta zuzendariak (Madril, 1968) "El rey" aktore lanetan San Juan bera, Luis Bermejo eta Willy Toledo dituen antzezlana sortzeko. Teatro del Barrio "kulturaren eta jaiaren bitartez beste bizimodu bat eraikitzen ari den herritar mugimenduan parte hartzeko borondate politikoaz" Lavapies Madrilgo auzoan sortutako kooperatibaren bosgarren ekoizpena da hau.
Lana Andoainera helduko da ostiralean. Bastero kulturgunearen agertokiaren gainean tronu ez-egonkorra paratuko du egun horretan, 21:30etik aurrera, "ezer ezeztatzen edo baieztatzen ez duen" Alberto San Juanen lana erakusteko. "Gauza asko jartzen ditu ezbaian ‘El rey’k, monarkia Franco hil eta gero sistema demokratiko bat ezartzeko ezinbesteko elementu gisa erakutsi digun diskurtso ofiziala, adibidez", San Juanen hitzetan.
Aktore eta zuzendariak "gozamen ikaragarria" hartzen du sortze lanetan, idazle, zuzendari eta aktore lanak uztartzeak ekartzen dion "gainkarga" gorabehera, eta Juan Carlos I.aren figuraren gaineko "kontakizun kritikoa" egin du oraingoan. Horretarako, dokumentazio lan eskerga egin du antzerkigileak, "liburu asko irakurriz, eta ez guztiak kritikoak, ezta gutxiago ere". Gure galderei erantzunez azaldu duenez, "Teatro del Barrioren ekoizpenen esplorazio artistikoa horretan oinarritzen da, askatasun artistikoaren eta informazio zorrotzaren arteko oreka aurkitzean".
Luis Bermejo da "El rey", Teatro del Barrioren antzezlanean. Argazkia: Ojovivo.
Estatuko herritarrek erregearen figuraren inguruko informazio nahikorik ba ote duten galdetuta, San Juanek hau uste du: "M15a izan zenetik, abdikazio bat izan da, eta ikusteko dago errege berria sendotzen den. Espainian monarkiaren azkena begien bistan dagoela uste dut".
Txotxongilolarien aurkako "gehiegikeria"
Bestalde, Fiskaltzak Terrorismoaren Biktimen Elkarteak Antonio San Juanen aurka jarritako kereila bat gaitzetsi du, orain egun batzuk; apirilean, "La bruja y don Cristobal" Alfonso Lazaro eta Raul Garcia txotxongilolariak kartzelara eraman zituen lana antzeztu zuen San Juanek, eta haren aurka egin zuen biktimen taldeak. San Juanen ustez, "antzezlanean ez da terrorismoa goratzen. Bi herritar errugaberen aurkako gehiegikeria kasua izan da, eta Poliziak, epaileak eta hedabideek hartu dute parte bertan".
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.