'Endredoen komedia klasiko eta dibertigarria da ‘Etxeko saltsak’ lana'
Bi bikote, nahaspila betean: hori aurkezten du Etxeko saltsak antzezlanak, Aitziber Garmendia, Ane Gabarain, Miren Gojenola, Mikel Laskurain eta Aitor Fernandino aktoreen lanaren bidez.
Relatively speaking Alan Ayckbourn britainiar antzerkigileak idatzi eta 1965ean Scaraborough hirian (Ingalaterra) estreinatutako umorezko antzezlana berreskuratu du Txalo Produkzioak konpainiak ostiralean, abuztuak 18, estreinatuko duen lanean.
Pertsonaien bideak hamaika aldiz norabide ezberdinetan katramilatzen ditu istorioak, gaizki-ulertutik gaizki-ulertura, ikusleek pertsonaiek berek baino informazio gehiago dutela. Begoña Bilbao zuzendariak lanari buruzko zertzelada batzuk eman dizkigu, elkarrizketa honetan.
Zerk eman zizun arreta Alan Ayckbournen jatorrizko testutik? Zergatik aukeratu zenuten lan hori agertokira eramateko?
Aspaldi irakurri nuen antzezlana, Ayckbournek zuzendaritzari eta dramaturgiari buruz idatziriko liburu baten harira. Haren idazkerak arreta piztu zidan, eta Txalok lan hau helarazi zidan. Gaizki-ulertuek eta nortasunen arteko nahasmenek eragindako endredoen komedia klasikoa iruditu zitzaidan, oso dibertigarria.
Gainera, zaila da aktore zerrenda luzerik eskatzen ez duten endredozko komedia onak aurkitzea. Hau lau aktorekoa da, ekoiztetxeak bere gain hartzeko modukoa.
Oro har, komedia arina da, helburu bakar gisa entretenitzea duena, eta Donostiako Aste Nagusian estreinatzeko oso egokia iruditu zitzaigun.
Oso zorrotz jokatu duzue jatorrizko testuarekin edo moldaketa libre samarra egin duzue?
Batik bat, testua kendu dugu. Oso antzezlan luzea da jatorrizkoa, eta ordubete eta hogei minutuan utzi dugu, gure ustez komedia baterako iraupen egokiena. Hainbat ekarpen ere egin ditugu lanak horretarako aukera ematen duelako, baina berorren oinarri errespetatu dugu betiere.
Zer espero behar du antzezlana ikustera doan publikoak?
Endredozko antzezlan entretenigarria da, ingeles vaudeville bat. Shakespeareren komedietan bezala, endredozko ingeles komedietan oso ohikoa da nortasunak nahastea edo elkarrizketetan gaizki-ulertuak agertzea.
Bost aktore bikainek ederki defendatutako josteta da.
Mikel Lasurain eta Ane Gabarain, entsegu batean
Nola deskribatuko zenuke aktoreon lana?
Komikotasun handia dute bostok, nahiz eta oso zaila den hori zer den ondo azaltzea. Nire ustez, berezko ezaugarria da komikotasuna, oso zaila da ikasten. Eszenan "jolasean" aritzeko gai diren aktoreak dira, sortzaileak dira eta oso adi begiratzen diote gainerako aktoreek ematen dietenari.
Komediako pertsonaiak gardenak dira, organikoak, eta egiarekin lan egin behar dute beti, ez garunarekin. Bost aktoreok dute gaitasun hori: gauzen alde komikoa irakurri zein interpretatzeko eta gero hori guztia publikoari helarazteko ahalmena dute.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.