Albiste dira

Azkuna Zentroak Fernando Perez aukeratu du zuzendari kargurako

Lourdes Fernandez ordezkatuko duen sestaoarra lehenago ere aritu zen lanean Bilboko zentroan, Programazio sailean, 2010etik 2015era.

Maiatzaren 1ean gauzatuko dute aldaketa. Argazkia: Azkuna Zentroa.

Agentziak | Erredakzioa

2018/04/25 - 12:52

Azken eguneratzea

2018/04/25 - 13:08

Azkuna Zentroa udal sozietateko Administrazio Kontseiluak Fernando Perez Gomez kultura-kudeatzailea aukeratuko du gaur, asteazkenarekin, Bilboko aisialdi, kultura eta kirol zentroa zuzentzeko. Lourdes Fernandez azken sei urteetako zuzendaria ordeztuko du Perezek.

Horrela, maiatzaren 1ean hasiko da lanpostu berrian lanean Fernando Perez Gomez (Sestao, 1967), 2010etik 2015era Azkuna Zentroaren Programazio arloko arduradun izan eta jarraian Nafarroako Gobernuko Kultura Zuzendaritza Nagusia gidatu eta gero.

Lourdes Fernandezek Azkuna Zentroarekiko loturari eutsiko dio, aholkulari artistiko gisa.