'Adingabekoen legea da euskal kontzertu aretoen arazo nagusia'
Ekainaren 4tik 6ra, Live DMA Europako Musika Areto eta Musika Jaialdien Elkarteak Bilbon, Kafe Antzokian, egingo du bere batzar nagusia. 18 herrialdetako 2.500 musika areto eta jaialdi ordezkatzen ditu talde horrek, eta sektorearen nondik norakoak izango dituzte hizpide Bizkaiko hiriburuan.
Atzerriko parte-hartzaileei Kultura Live Arabako, Bizkaiko, Gipuzkoako, Lapurdiko eta Nafarroako kontzertu aretoak batzen dituen elkarteak egingo dizkie gidari lanak Bilbon, eta Arkaitz Villar talde horren koordinatzailearekin hitz egin nahi izan dugu, euskal kontzertu aretoen egoerari begiratzeko.
Zer arazo nagusi dituzue euskal kontzertu aretoek?
Momentu honetan, adingabekoen legea da arazo nagusia. Gaur egungo legeak ez die adingabekoei zuzeneko musika aretoetara sartzen uzten, eta hori aldatzeko lanean ari gara.
Irailean gai hori landuko duen jardunaldia antolatuko dugu Donostian.
Kultura-sustatzaile zareten heinean, zer harreman dituzue erakunde publikoekin? Zer eskatzen diezue?
Harremanak ditugu Eusko Jaurlaritzako Kultura Sailarekin eta Etxepare Euskal Institutuarekin. Horrez gain, Euskal Herriko Musika Bulegoa elkarteko eta Live DMA Europako Zuzeneko Musika Aretoen eta Musika Jaialdien Elkarteko kide ere bagara.
Azkenaldian, Eusko Jaurlaritzako Joko eta Ikuskizunen Zuzendaritzarekin ere ari gara lanean, adingabekoen legeari irtenbidea bilatzeko.
Gure eskakizun nagusia da zuzeneko musika eskaintzeko orduan baldintzak hobetzen lagunduko diguten tresnak sortzen laguntzea; aretoek egunero egiten duten lana aitortzea ere eskatzen diegu, eta lan hori hobetzen lagunduko diguten dinamikak sortzen laguntzea.
Zuen posizioak ematen dizuen ikuspegitik, zelan epaituko zenukete euskal musikaren osasun egoera?
Inoiz baino talde gehiago dago, eta taldeak inoiz baino prestatuago daude, bai teknikoki baita musikari bezala ere.
Zuzenekoen merkatua aldatu da, besteak beste taldeek kontzertu gehiago ematen dituztelako, disko gutxiago saltzen dituztenez. Nola kudeatzen duzue egoera berri hori? Euskal Herriak zer toki hartzen du nazioarteko biren zirkuituan?
Gizartea aldatzen doan heinean, musikaren sektorea ere aldatzen da. Joera musikalak aldatzen doaz etengabean, eta aretoak eskaintza zabal horretara heltzen saiatzen gara, bai nazioarteko taldeekin baita bertokoekin ere.
Publikoaren eskakizunaren eta eskaintzaren artean oreka bat osatzen saiatzen gara. Musika jaialdiek ez bezala, guk urte osoko programazioa lantzen dugu, eta hori sendotzen ahalegintzen gara.
Live DMA Europako zuzeneko musika aretoen eta musika jaialdien elkarteko kidea da Kultura Live. Zer abantaila ditu horrek?
Euskal Herriko aretoen egoera Europa mailan erakusteko aukera eskaintzen digu, baita beste herrialde batzuetako ereduak ezagutzekoa ere. Gauza asko ikasten ari gara, nahiz eta herrialde bakoitzak areto mota ezberdinak dituen.
Europako batzarraren atarian, zein herrialde dituzue ispilu? Zergatik?
Europako iparraldea eta Frantzia dira gure ispilu nagusiak: diru-laguntza handiak dituzte, eta horrek aukera handiagoa eskaintzen die programazioan arriskatzeko.
Lan egiteko modu oso ezberdinak ditugu, eta guztion artean ezagutzak partekatu, elkarrekin proiektuak sortu eta sektorearen profesionalizazioa eta errekonozimendua bultzatzea dira gure helburu nagusiak.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.