Albiste dira

Ane Rodriguezek Tabakalerako kultur zuzendaritza utziko du

Udaberrian utziko du kargua, sei urteren ondoren. Datozen asteotan abiatuko duten lehiaketa publiko batean erabakiko dute zeinek hartuko duen haren tokia.

eitb.eus

2018/12/20 - 13:11

Azken eguneratzea

2018/12/20 - 13:11

Postuan sei urte egin eta gero, Ane Rodriguezek Tabakalera kultura garaikidearen nazioarteko zentroaren kultura zuzendaritza utziko du 2019ko udaberrian, zentroak ohar batean iragarri duenez.

Datorren udaberrian utziko dio kultur zuzendaria izateari, eta Tabakalerak datozen asteotan abiatuko duen lehiaketa publiko baten bidez aurkituko du ordezkoa.

Halaber, Rodriguezen agurrarekin batera, Tabakalerak itxitzat emango du 2012an hasi zuen “etapa erabakigarria, proiektua garatzea eta martxan jartzea ekarri zuena”.