2021eko udara arte atzeratu dute Boiseko Jaialdia, koronabirusagatik
Uztailean egitekoa zen 2020ko Boiseko Jaialdia urtebetez atzeratu dute, 2021eko udara arte, koronabirusagatik. Hortaz, Ameriketako Estatu Batuetako Idaho Estatuko hiriburuan bost urtean behin egiten duten Jaialdia 2021eko uztailaren 27tik abuztuaren 1era bitartean egingo dute; ohi bezala, euskal diasporaren garrantzia oso handia den hiri horretan gauzatuko dute.
"2020ko Jaialdia 2021eko Jaialdia da orain! Aurtengo Jaialdia koronabirusagatik atzeratu dugu, baina zuekin guztiekin egiteko irrikan gaude, 2021eko uztailaren 27tik abuztuaren 1era bitartean. Munduko euskal jaialdirik handienetakoa da, Boiseko euskal komunitateak guztioi egiten dizuen oparia. Bost urtean behin, milaka lagun etortzen dira Idahora, planeta osotik, dantzatzeko, jateko, musika jotzeko lagun zaharrekin biltzeko, eta lagun berriak egiteko", adierazi du Jaialdiaren web orriak.
Euzkaldunak euskal etxeko kideek bost urtean behin antolatzen duten kultur ekitaldia da Jaialdia, eta, horri esker, Boise euskal diasporaren hiriburu bihurtzen da hainbat egunez. 2015eko Jaialdian Iñigo Urkullu lehendakaria izan zen; garai hartan Eusko Jaurlaritzak agiri batean azaldu zuenez, lehendakariak giro "ikaragarria" topatu zuen bertan; lehendakariaren esanetan, "euskal sena" mantentzeak "balio behar digu loturak estutzeko bai ekonomia, gizarte eta baita kultura arloan ere".
Bere ustez, horrek berebiziko garrantzia du "diasporizazioan", hau da, euskal gizartearen nazioartekotzean. "Mundura irteten diren euskaldunek etxe bat dute hemen", adierazi zuen lehendakariak.
kivtiv.com-ek bere web orrian gogora ekarri duenez, Jaialdia 1987an antolatu zuten lehen aldiz, eta 1990etik egiten dute bost urtean behin. Lehen aldiz atzeratu dute orain.
Zure interesekoa izan daiteke
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.