Bilboko hainbat erakundek, enpresak eta herritarrek Euskaraldia 2020 aurkeztu dute
Bilboko hainbat erakundek, elkartek, enpresak eta herritarrek bigarren Euskaraldia aurkeztu dute astearte honetan. 2020ko Euskaraldia azaroaren 20an hasiko da, eta abenduaren 4ra arte iraungo du; Bizkaiko hiriburuan zein Euskal Herriko gainerako udalerrietan, 'ahobizi' eta 'belarriprest' rolak berriro ere bueltatuko dira, eta, halaber, 'ariguneak' sortu dituzte: horiek euskaraz aritzeko guneak dira, ekimena taldean egiteko modukoak.
Aurkezpena Itsasmuseum museoan egin dute, eta, ekitaldian, Bilbon egiten ari diren aurrelana zehaztu dute. 2018an, ekimenak arrakasta handia izan zuen Bilboko kaleetan.
Duela bi urte ere gertatu zenez, herritarrek aukera dute 'ahobizi' edo 'belarriprest' rolak egiteko; baina, horrez gain, Euskaraldiaren antzolatzaileek dei egin diete erakundeei, elkarteei eta taldeei identifika ditzaten euskaraz aritzeko guneak, 'ariguneak', alegia.
Antolatzaileek, testuinguru horretan, horrelako guneak identifikatzeko beharra nabarmendu dute.
Juan Mari Aburto Bilboko alkatea aurkezpenenean izan da; Miren Barañano Karmelo Ikastolako zuzendariak eta Mikel Martinez aktoreak testu bat irakurri dute.
Albiste gehiago kultura
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
Euskal Museoak 2026ko bigarren hiruhilekoan irekiko ditu ateak berriro
"Enbor arina", euskal kulturaren ikurra, Miserikordia eraikinean jarri dute Bilboko museoaren berrikuntzaren parte gisa. 2026an ateak berriro irekitzea espero dute.
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.
Fermin Muguruza: ''Etortzen den jendeak zerbait historikoa bizi izan duela jakitea nahi dugu''
Ia dena prest dago Donostiako Anoeta estadioan larunbat honetan 30.000 lagun inguruk Fermin Muguruzaren kontzertuaz gozatzeko. Irungo musikariak zalantzan daudenak animatu nahi izan ditu oraindik eskuragarri dauden sarrera apurrak eros ditzaten.
J.Martina, Dupla, Janus Lester eta Leire Martínez Saguesen, Donostiako Aste Nagusian
Abuztuaren 9tik 16ra egingo da aurtengo Donostiako Aste Nagusia. Gainera, Mikel Anterok egindako kartela ere aurkeztu dute dagoeneko.