Pedro Salaberri margolariak jasoko du Vianako Printzearen Saria
Pedro Salaberri margolariak irabazi du 2022ko Vianako Printzearen Kulturaren Saria, eta Talentu Artistikoaren Sustapenerako saria Sofía Esparza Jaúregui sopranoarentzat izango da. Salaberrirekin batera, Enrique Villarreal "El Drogas" Barricadako abeslari, baxu-jotzaile eta sortzailea, Jose Luis Lizarraga musikari konpositorea eta Josu Imanol Delgado ekonomialaria ziren sarirako hautagaiak.
Nafarroako Gobernuak antolatzen ditu Vianako Printzearen Sariak, "kulturgintzan azpimarragarriak diren pertsona eta erakundeen ibilbidea nabarmendu eta azpimarratzeko", eta, oinarrietan zehazten denez, kontuan hartzen ditu arte plastikoetan, musikan, literaturan eta abarretan oinarritutako jarduera sortzailea eta zientzian, teknikan eta ikerketan egindako lanak.
Pedro Salaberri Zunzarrenek (Iruñea, 1947) "obra piktoriko oparoa egin du naturaren interpretazioari lotuta, nola naturaren adierazpenari hala giza naturaren erretratuari dagokienez, eta eguneroko gure bizitza duintzeko erabili du pintura", José Javier Azanza, Javier Balda, Francisco Javier Chocarro, Susana García, Ana Moreno, Javier Manzanos eta Villar López Nafarroako Kultura eta Arteen Kontseiluko kideek aurkeztutako hautagaitzan jaso dutenez.
Jarauta kalean jaioa, marrazki eta pintura ikasketak hasi zituen Iruñeko Arte eta Ofizioen Eskolan. Beraren hautagaitza aurkeztu dutenen hitzetan, "Pedro Salaberrik paisaiaren ikuspegi ezberdin eta berritzailea eman dio Nafarroako arte eta kulturari, funtsezko elementuen sintesian oinarritutako begirada bat estetika bare eta eraginkorrarekin".
Sofía Esparza Jaúregui, Talentu Artistikoaren Sustapenerako sariaren irabazlea
Sofía Esparza Jaúreguiri buruz, hau esan du Ignacio Apezteguía Kultura-Vianako Printzea Erakundearen zuzendari nagusiak, Departamentuko hiru zuzendaritzetako (Museoak, Kultura Ekintza eta Artxiboak) arduradunek eta Kultura eta Arteen Nafarroako Kontseiluko eta hiru kidek osatutako epaimahaiak: "Kontuan hartu dugu interprete gisa erakutsi duen erregistro zabala, operan, zarzuelan, bakarlari gisa, ganbera musikako errezitaldietan, zeinak Espainia mailako panorama lirikoko soprano nagusietako bat bihurtu baitu".
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.