"Argizagi" animaziozko telesailak irabazi du aurtengo Sormen Beka
"Argizagi. Zubiak adiskidetasunerantz" animaziozko telesailak irabazi du aurten Durangoko Azokak urtero eskaintzen duen Sormen Beka. Ihintza Iriarte Apezetxeak, Miren Bereziartua Lonbidek eta Uxue Bereziartua Lonbidek osatzen duten Marramiau Sorkuntza Taldeak 15.000 euro izango ditu, hortaz, proiektua mamitu eta datorren urteko Durangoko Azokan aurkezteko.
Aurtengo deialdia haurren eta familien ikuskizunei begira egon da, aurrekoak literaturari, musikari, ikus-entzunezkoei, bideojokoei eta arte eszenikoei eskaini ostean.
"Argizagi" animaziozko telesaila da, eta 5 eta 10 minutu arteko bospasei kapituluk osatuko dute. Izei lurtarrak Ekai eta Nahi estralurtarrak ezagutuko ditu, eta argi zubi bat irekiko dute bi planetaren artean bidaiatzea ahalbidetzen duena.
Amaia Henneboute antzezleak, Ana Revuelta Artaziak hezkuntza artistikorako ekimeneko kideak, Josu Bergara musikariak eta Martxel Zubia Saguganbara Durangoko Azokako haurren guneko arduradunak osatu dute epaimahaia, eta adierazi dute egitasmoak euskarak eremu digitalean duen beharrari erantzuten diola, kalitatezko produktu baten bidez, eta eremu pedagogikoan ekarpena egin dezakeela erantsi dute.
Saridunak oso pozik agertu dira. "Ez genuen espero", adierazi dute kazetarien aurrean, 15.000 euroko txekea aldean zutela. "Haurrentzako serie bat sortzeko gogoa genuen, hiruron interesak uztartzen dituelako. Uxue irudigintzan jarduten da, Miren soinuan eta ni (Ihintza) bikoizketan".
Hiru gazteak, gainera, bidea gozatzeko gogoz agertu dira. "Proiektuaren helburuetako bat da profesionalekin, guk baino esperientzia handiagoa dutenekin, elkarlana sortzea", adierazi dute.
Gidoian murgilduta daude orain, eta urtebete barru eramango gaitu "Argizagi" lanak, dena ondo bidean, izar artera.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.