'Succession' eta 'The Bear' nagusi Emmy sarietan, bakoitzak sei sari erdietsita
'Succession' eta 'The Bear' seriek ez dute ustekabeetarako tarterik utzi bart, astelehenarekin, Emmy sarien 75. edizioaren galan, eta bakoitzak sei sari irabazi ditu, tartean drama eta komedia onenarenak hurrenez hurren.
Ekitaldia Los Angelesen egin dute, zegokion baino lau hilabete geroago, iaz Hollywooden gidoilariek eta aktoreek eginiko greben ondorioz.
Roydarren historia kontatzen duen seriearen (2020an eta 2022an ere saritu zuten "Succession") laugarren eta azken denboraldiak sari hauek ere jaso ditu: dramako gizonezko (Kieran Culkin) eta emakumezko (Sarah Snook) aktore onenak, bigarren mailako gizonezko aktore onena (Matthew Macfadyen), gidoi onena eta zuzendaritza onena.
Bestalde, "The Bear"eko lantaldeak sari hauek jaso ditu: Jeremy Allen White (komediako gizonezko aktore onena), Ayo Edebiri eta Ebon Moss-Bachrach (bigarren mailako gizonezko eta emakumezko aktore onenak), zuzendaritza onena eta gidoi onena.
Halaber, "Beef" Netflixek bi auto gidariren arteko borrokatik abiatuta egindako telesaila nagusitasunez gailendu da serie mugatuen (miniserieen) sailean. Seri onenaren, zuzendaritza onenaren, gidoi onenaren eta aktore onenen (Steve Yeun eta Ali Wong) sariak eraman ditu.
Elton John britainiar musikaria "EGOT" maila hartu duen hemeretzigarren pertsona da atzodanik, bestalde. Akronimo hori erabiltzen dute AEBn Emmy, Grammy, Oscar eta Tonny sariak irabazi dituztenak izendatzeko.
AEBko Telebista Akademiaren garaikurra falta zitzaion Johni, eta bart lortu du Diseny +-ek azaroaren 2022an bere bira amaierako kontzertua eman zuela eta.
Emmy sarien 76. edizioa aurtengo irailean egingo dute.
Zure interesekoa izan daiteke
Kulturaren Plazak 60 urte, eta segi aurrera
Durangoko Azokaren 60. edizioa abenduaren 5etik 8ra egin eta ospatuko da. Atzera begira jarri ordez, baina, aurrera begira jarri dira antolatzaileak: bi gune berri estreinatuko dituzte, eta gaueko programazioa berreskuratu dute.
Txelu Angoitia, Durangoko Azokako argazkilari ofiziala: "Beti saiatzen naiz irudi berri edo berezi bat aurkitzen"
Durangoko argazkilari familia duela 60 urte hasi zen Azokan gertatzen zen guztia argazkietan islatzen. Gaur egun, ondorengoetako bat, Txelu Angoitia, Durangoko Azokako argazkilari ofiziala da.
Landako Gunea kulturaz betetzen hasi da
Durangoko Azokaren 60. edizioak bihar, abenduak 5, irekiko ditu ateak. Gaur erakustokiak betetzeko eta atontzeko eguna da Landako Gunean. 1.000tik gora nobedade, 273 ekitaldi eta 285 erakusmahai izango ditu aurtengo edizioak.
“Askotan, ez dakit nondik datorren sorkuntzarako indarra; gero ez dago eta horrenbeste hartzaile"
Durangoko Azokaren aurtengo edizioaren atarian, Beñat Gaztelurrutia Gerediaga Elkarteko koordinatzaileak ETB1eko "Egun On Euskadi" saioan adierazi du sorkuntza ugaria dela, eta kalitate handikoa: “Gazte belaunaldi oso bat ari da sortzen eta sortzen", esan du, eta horientzat guztientzat hartzaileak behar direla nabarmendu du.
Durangoko Azoka iruditan: karteletik unibertso bisualera
Sei hamarkadan, hamaika modutara ekarri da iruditara Kulturaren Jaialdia, 1965ean Andreu Uriarte durangar artista plastikoak Durangoko Azokari lehenengoz irudia jarri zionetik aurten, 60. ediziorako, Iratxe Reparaz arte zuzendariak “kartel infinituak” sortu dituen arte. Patri Laiseka Gerediaga Elkarteko kideak gidatuta, bidaia bat egin dugu arte plastikotik diseinu grafikora joan-etorria izan den kartelaren bidetik.
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Ohorezko Lauaxeta saria Benito Lertxundi eta Jose Anjel Irigarairi eman diete, "Bizkaia maite" kantagatik
Bizkaiko Foru Aldundiak 2025eko Lauaxeta sariak banatu ditu astelehen honetan. Ohorezko saria Benito Lertxundi abeslariari eta Jose Anjel Irigarai idazleari eman diete, Bizkaia maite kantaren euskal kulturari egindako ekarpena aitortuz. Bi saridunak ez dira ekitaldira bertaratu ahal izan, eta Olatz Zugasti abeslariak, Lertxundiren bikotekide eta lankide artistikoak, jaso ditu, biak ordezkatuz.
2026an Primeran plataforman estreinatuko den "Tamara Ta Mara" telesailaren filmaketa bisitatu dugu Bilbon
Casting batean aurkitzen diren bi aktoreren arteko lehiari buruzko komedia da "Tamara eta Mara". ETBren talentu berrien lehiaketaren irabazleetako bat da euskarazko fikzio hau.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Xabat Illarregik euskarari "zentralitatea" eman nahi izan dio finalean
Nafarroako bertsolari onenaren txapela jaso berritan egindako lehenengo elkarrizketa.