Miren Arzalluzen erronkak
Datorren apirilaren 1ean, Miren Arzalluzek hartuko du Guggenheim Bilbao Museoaren zuzendaritza. Ordurako, Bilboko eta EAE osoko ikono kultural eta ekonomiko bihurtu den museo bat heredatuko du. Hala ere, Arzalluzek erronka garrantzitsuei egin beharko die aurre, hala nola Urdaibaiko Guggenheimen inguruko polemika eta Picassoren Guernica enblematikoa museoko aretoetara ekartzeko aukera.
Zuzendari berriak izango dituen berehalako erronketako bat da Urdaibaiko biosferaren erreserban Guggenheim zabaltzeko proiektu polemikoa. Plan horrek oposizio handia du sektore ekologisten eta euskal gizartearen zati baten artean, museo berria eraikitzeak bertako ingurumen-oreka arriskuan jartzen duela uste baitute. Guggenheim Urdaibai Stop plataformak mobilizazioak antolatu ditu aste honetan, eta Arzalluzi eskatu dio bere lehen erabakietako bat proiektu hori baztertzea izan dadila.
Haren aurrekoak, Juan Ignacio Vidartek, Pablo Picassoren Guernica erakutsi nahi zuen Bilboko Guggenheimean. Vidartek kargua utziko du amets handinahi hori lortu gabe, Madrilgo Reina Sofia Museoaren ezezkoarekin talka egin baitzuen. Ikusteke dago Arzalluzek asmo horri eutsiko ote dion.
Arzalluzek erakunde sendoa heredatuko du, Vidarteren kudeaketak utzitako zifra onei esker. Ibilibidearen hasieran, urtean milioi erdi bisitarirekin nahikoa zuen museoak; hala ere, gaur egun, urtean milioi bat baino gehiago dira, eta badirudi bisita-kopuaren langak gora egin behar duela oraindik. Ikusi beharko da zuzendari berriak zifra horiek gainditzea lortzen duen.
Erronka horiez gain, Arzalluzek erakutsi du ikuspegi inklusiboago batean lan egin dezakeela, eta museoko bilduma eta erakusketetan euskal artisten eta emakumeen presentzia indartzeko helburua baduela.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.