Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin:eitb-banner?$eitb-banner$&fmt=webp-alpha&qlt=80 "\"berdeak berdeak gurutzatzen\" (berdea falta zitzaion Piet Mondriani eskainia), Dan Flavinena. Stephen Flavin, VEGAP, Bilbo 2025.")
"Berdeak berdeak gurutzatzen" (berdea falta zitzaion Piet Mondriani eskainia), Dan Flavinena. Stephen Flavin, VEGAP, Bilbo 2025.
Donostiako San Telmo Museoak Los desastres de la guerra Goyaren 80 grabatuko serie osoa erakutsiko du 2026an, maiatzetik Aurrera. Gerrari buruzko gogoeta unibertsala osatzen duten irudiok lehenengoz aurkeztuko du Donostiako zentroak, eta Gabriela Iturbide mexikar argazkilariaren lana ere jarriko dute ikusgai; sei hamarkada daramatza Iturbidek bere herriko jatorrizko herritarren argazkiak hartzen.
Con razón o sin ella, Goyaren grabatua
Lehen lau hiletan, “Amazoniak. Antzinako etorkizuna” urrian irekitako erakusketa bisitatzen jarraitu ahalko da, lurraldearen, hirien eta Amazoniako komunitate indigenen aberastasun natural eta kultural izugarrian murgiltzeko, eta udan Mariano Fortuny, Joaquín Sorolla, Maruja Mallo, Pablo Picasso, Edgar Degas, Auguste Rodin Egon Schiele, Ignacio Zuloaga, Mari Puri Herrero, Aurelio Arteta eta María Paz Jimenezen marrazkiez gozatu ahalko da.
“Eskua” erakusketa harrigarriak etnografiari heltzen dio, XX. mendearen hasieran mekanizazioaren ondorioz desagertu ziren keinu eta koreografien artxibo baten bidez. Azkenik, Isabel Coixet zinema zuzendari eta gidoilariak eskuz eta teknika digitalekin egindako berrogeita hamar collage inguru biltzen dituen erakusketa jarriko dute publikoaren ikusgarri.
Gainera, Zineb Sedira frantses-aljeriarrak, Carla Filipe portugaldarrak eta Taxio Ordanaz nafarrak osatutako bikoteak, Elena Asinsek, Harun Farockik eta Xabier Morrasek beren lanak erakutsiko dituzte Tabakalerako erakusketa areto nagusian eta Kubo kutxan, Kursaalen.
Tabakaleraren erakusketa areto txikiak eta Artegunek, Donostiako kultura garikideko zentroaren beheko solairuan dagoen espazioak, bestalde, Maite Gonzalez Martinezen, Andrea Caneparen, Tsai Ming-liangen, Jon Gorosperen eta Alejandro Cartagenaren lanak erakutsiko dituzte, baita Sally Mann estatubatuar argazkilariak “nazioarteko primizian” erakutsiko dituen argazki argitaragabeak ere.
Guggenheim
Guggenheim Bilbao Museoak atzera begirako erakusketa bana eskainiko die, hurrengo udaberrian, Bigarren Mundu Gerraren ondorengo bi artista oparo eta ospetsuri: Ruth Asawa japoniar jatorriko sortzailea eta Jasper Johns pintore eta eskultorea.
Bilboko museoaren programazio artistikoak udazkenean jarraituko du, bi erakusketarekin. Lehenengoa Steve McQueen artista, zinemagile eta gidoilariari eskainiko diote, eta, bigarrena, Dan Flavin muturreko artean jardun zuen artistari eta erakusketen hitzarmenak hausteko zuen moduari.
Artium
Artium Euskal Herriko Arte Garaikidearen Museoak zinema etnografikoari buruzko ikuspegi kritikoak jorratzen dituen tesi-erakusketa kolektiboa inauguratuko du urtarrilean, eta banakako erakusketak eskainiko dizkio Juana Cima (Caibarién, Kuba, 1951), Rosalind Nashashibi (Londres, 1973), Irene Kopelman (Córdoba, Argentina, 1974) eta Jochen Lempert (Moers, Alemania, 1958) artistei.
Baiona
Bestalde, Baionako Euskal Museoak urte hasieran esango die agur “100 urte jadanik” mendeurrena dela eta irekitako erakusketari eta Linguae Vasconum Primitiae (Bernat Etxepare, 1545) euskazko lehen liburu inprimatuaren ale originalari, zeina zentroan erakusgai izan baita, Frantziako Liburutegi Nazionalak lagata. Gainera, Bonnat-Helleu oraintsu berrireki duten museoak bere bildumako lanak erakusten jarraituko du: Leonardo da Vinci, Michelangelo, Raffaello, Dürer, Rubens, Van Dyck, Rembrandt, Greco, Goya, Poussin, Watteau, Ingres, Delacroix, Géricault, Degas…
Berriro irekitzea
Baionako Bonnat-Helleu Museoaren aurpegi berria, 14 urteko zaharberritzearen ondoren
Museoa gaur inauguratu dute berriro, 29 milioi euroko kostua izan duten 14 urteko lanen ostean. Museoak 2011ko apirilean itxi zituen ateak jendearentzat, berregituraketa errazteko eta bere azalera 2000 metrotik eta 4000 metro karratura bikoizteko.
Azkenik, Nafarroako Museoak (Iruñea) doako sarbidea izango du martxoaren 1era arte, zaharberritze-lanak bukatuta bilduma iraunkorra ostera ere osorik ikusgai dagoela ospatzeko.
Zure interesekoa izan daiteke
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.