La Abadia antzokiak 'Altsasu' antzezlana defendatu du, zentsura eskaeren aurrean
Madrilgo La Abadia antzokiak Altsasu antzezlana defendatu du, hain zuzen ere, Espainiako hiriburuan estreinatu den egunean. Zentsura eskariak izan badira ere, azkenean ez dute helburua lortu. Antzokiak ohar batean azaldu duenez, antzezlan baten inguruan sor daitezkeen iritzi guztiak entzuten eta errespetatzen ditu. 2016an Altsasuko Koxka tabernaren atarian bi guardia zibilekin izandako liskar baten harira Auzitegi Nazionalak epaitutako zortzi gazteen kasua kontatzen du Altsasu lanak.
La Abadia antzokiak dioenez, sortzaileen askatasunaren alde egiten du, gizarteari garrantzitsuak iruditu ahal zaizkion gaiak eta galderak planteatuz.
"Indarkeria gaitzesten dugu eta ez dugu inoiz baimenduko gure agertokietan indarkeriaren apologia egitea. Uste dugu zentsura eskarien aurrean eman dezakegun erantzunik onena teloia altxatzea dela", azpimarratu du.
Halaber, ikusleei eskerrak eman ostean, antzokira joaten diren pertsona guztiekiko "errespetua" eskatu du.
Bestalde, Madrilgo Erkidegoak eta Udalak antzokiaren zuzendaritzaren independentzia defendatu dute.
Zehazki, antzezlana "gehiago edo gutxiago gustatu arren, programazio askatasuna errespetatzen duela adierazi du Jose Luis Martinez Almeida Madrilgo alkateak. Cuatro telebista kateari eskainitako elkarrizketan esan duenez, askatasunaren eta sormenaren alde, eta zentsuraren aurka daudela helarazi nahi diete herritarrei.
Bestalde, Jordi Marti Grau Kulturako Estatu idazkariak salatu du "zentzugabekeria" dela alderdi batek —Voxek— antzezlan baten aurkako manifestazioa deitzea. Horren ustez, edozein alderdi demokratikok adierazpen askatasuna defendatu behar du. Era berean, Espainiako Kultura Ministerioak gisa horretako eraso "guztiz justifikaezinak" jasaten dituzten adierazpen artistikoak salatzen eta babesten jarraituko duela nabarmendu du.
Antzokiaren atarian, berriz, aldekoak eta kontrakoak elkartu dira. Vox alderdiak deituta, elkarretaratzea egin dute Madrilgo La Abadia antzokiaren kanpoaldean.
Bestalde, Aktoreen Batasunak Voxen deialdia kritikatu du, eta elkarretaratzea egin du adierazpen askatasuna aldarrikatzeko.
Zure interesekoa izan daiteke
“La maestra”, “Welcome & Sorry” eta “Torcidxs”, Max sarietarako izendatuta
Arte eszenikoen Espainiako sarietan, gainera, Jesus Cimarro bizkaitar ekoizleak Ohorezko saria jasoko du. SGAE Egile eta Editoreen Espainiako Elkarteak antolatzen duen sariketa ekainaren 1ean egingo dute, Meridan.
Shakespeare Alkizara eraman du Dantzertik
Dantzerti eskolako Arte Dramatikoko graduko 4. mailako ikasleek "Shakespeare ez zen inoiz hemen egon" antzezlana estreinatu dute bart Barakaldon; gaur, Barakaldon izango da ikusgai ostera ere, eta apirilaren 27an Errenterian. 2026an, Gipuzkoako herri txiki batean Shakespeareren lan argitaragabe bat aurkitu zutela zabaldu zen. Kazetari eszeptiko baten etorrerak interes ezkutuak, engainuak eta anbizioak azaleratuko ditu eskuizkribuaren inguruan, benetakotasunari, iruzurrari eta botereari buruzko komedia honetan.
Arriaga Antzokiak La Cubana taldearen "La cuisine de ma cousine" lana eskainiko du udan
Kataluniar konpainiak 29 emanaldi egingo ditu Bilboko antzokian, abuztuaren 13tik irailaren 13ra bitartean.
Alfredo Sanzol Gayarrera iritsiko da, senidetasunari eta doluari buruzko hausnarketa batekin
La última noche con mi hermano nafarrak idatzi eta zuzentzen duen lana ostiralean eta larunbatean taularatuko dute, Iruñean.
Alex Gerediagak “Gesualdo WC Station” estreinatuko du asteburuan Arriagan
Bilboko udal antzokiak ekoitzi duen ikuskizuna Carlo Gesualdo italiar konpositorearen historia du kontagai.
Euskal Herriko emakume meatzarien historia ikusezina taularatu du Kalamua Sopelako taldeak
Kalamua Sopelako antzerki taldeak Euskal Herriko emakume meatzarien historia taularatu du Alas de hierro lanarekin. Taldea osatzen duten sei emakumeek sormena, aldarrikapena eta umorea uztartu dituzte. Ez dute emakume meatzarien abesti edo ereserkirik aurkitu, asko bilatu badute ere, baina hori ez da oztopo izan.
:eitb-square?$eitb-square$&fmt=webp-alpha&qlt=80, default=https://eitb.scene7.com/is/image/eitb/Itzulera_Dejabu © Renata Etanowski (3)?fmt=webp-alpha&qlt=80, banner_small=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-small?$eitb-banner-small$&fmt=webp-alpha&qlt=80, banner_header=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-header?$eitb-banner-header$&fmt=webp-alpha&qlt=80, cintillo=https://eitb.scene7.com/is/image/eitb/Itzulera_Dejabu © Renata Etanowski (3):eitb-cintillo?$eitb-cintillo$&fmt=webp-alpha&qlt=80, banner=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner?$eitb-banner$&fmt=webp-alpha&qlt=80, mini_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-mini-square?$eitb-mini-square$&fmt=webp-alpha&qlt=80, portrait=https://eitb.scene7.com/is/image/eitb/Itzulera_Dejabu © Renata Etanowski (3):eitb-portrait?$eitb-portrait$&fmt=webp-alpha&qlt=80, banner_2x1=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-2x1?$eitb-banner-2x1$&fmt=webp-alpha&qlt=80, semi_square=https://eitb.scene7.com/is/image/eitb/Itzulera_Dejabu © Renata Etanowski (3):eitb-semi-square?$eitb-semi-square$&fmt=webp-alpha&qlt=80, banner_mobile=https://eitb.scene7.com/is/image/eitb/Itzulera_Dejabu © Renata Etanowski (3):eitb-banner-mobile?$eitb-banner-mobile$&fmt=webp-alpha&qlt=80})
“Itzulera” Dejabu konpainiaren lanak irabazi du Donostia Antzerki saria
2025ean Donostian konpainia profesional batek euskaraz publiko helduarentzat egin duen lan onena izan da, epaimahaiaren arabera. 12.000 euroko saria eta margolan bat jasoko du konpainiak sari gisa, martxoaren 27an, eta antzezlan irabazlea taularatuko dute.
Lautan Hiru antzerki jaialdiak zortzi ikuskizun eskainiko ditu
Lau astez egingo dituzte antzerki emanaldiak Bilbon, ostegunetan, eta Baionara ere iritsiko da jaialdia, apirilaren 17an.
“7 urte” euskaraz estreinatuko dute
Agurtzane Intxaurragak film eta antzezlanaren egokitzapena egin du, eta gaur emango dute lehenengoz, Basaurin, Kandido Uranga, Jon Olivares, Iñigo Gastesi, Dorleta Urretabizkaia eta Aitor Beltran aktoreek.
"Kandida" Patxo Telleriaren antzezlana estreinatuko dute, Bilbon
Miren Gaztañaga, Nerea Mazo eta Mikel Martinez dira Arriaga antzokian otsailaren 3an estreinatuko den euskarazko ekoizpenaren protagonistak.