Abel Azconaren aurkako auzia artxibatu du epaileak
Iruñeko 2 zenbakiko epaileak Abel Azconaren aurka “Desenterrados” erakusketa dela eta zabaldutako auzia ixtea erabaki du. 2015eko azaroan Iruñean inauguratu zuten erakusketan, “pederastia” hitza idatzi zuen Azconak ostia sagaratuak erabilita.
Epailearen idatziak dioenez, gainera, Abokatu Kristauen Espainiar Elkarteak Maider Beloki Iruñeko zinegotziaren aurka aurkeztutako kereila ere ez dute onartu, Nafarroako Justizia Auzitegi Nagusiak ohar batean azaldu duenaren arabera.
Autoan irakur daitekeenez, magistratuaren ustez ez zen egon ez sentimendu erlijiosoen aurkako deliturik ezta gorroto deliturik ere. Idatziaren aurkako errekurtsoa jar daiteke oraindik, nolanahi den.
Epailearen aburuz, argi dago Azconak ostien erabilera profanoa egin zuela, baino hori ez da nahikoa delitua egon zela esateko, artistak bere jarduera ez baitzuen tenplu, eliza edo gurtzarako beste toki batean egin, ezta zeremonia erlijioso batean ere.
Epailearen idatzian irakur daitekeenez, inputatuak ez zituen erakusketako bisitariak eliza katolikoaren edo berorren kideen aurkako indarkeria edo gorroto delituak egitera bultzatu, inola ere, pederastiaren izugarrikeriaren aurka jarrera hartzera baizik.
Abokatu kristauen elkarteak helegitea jarriko du
Iruñeko 2 zenbakiko epaileak Abel Azconari zabaldutako auzia ixtea erabaki ostean, helegitea jarriko duela jakinarazi du Espainiako Abokatu Kristauen Elkarteak (AEAC).
Elkarte horrek jakinarazi duenez, ez zuen espero epaileak hartutako erabakia. Ildo horretatik, "Desenterrados" erakusketa kristauentzat iraingarria dela eta askatasun erlijiosoaren kontra doala berretsi du AEAC elkarteak.
Beste alde batetik, epailearen erabakiarekin haserre dagoela esan du Polonia Castellanos elkarte horretako presidenteak. Gainera, sumindura adierazi du ostia sagaratuei erreferentzia egiteko orduan epaian erabili duen terminologiagatik.
Gainera, change.org plataformaren bitartez 110.000 sinadura baino gehiago bildu zituztela eta manifestazioak egin zituztela gaineratu du elkarte horrek.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.