Guggenheimek eta ATEAk animalien aurkako tratu txarra arbuiatzeko idatzia adostu dute
Guggenheim Bilbao Museoak eta ATEA Animalien Tratu Etikoaren aldeko Elkarteak idatzi bat adostu dute animalien aurkako tratu txarrak arbuiatzeko eta “museoak antolatutako erakusketetan animalien sufrimendua ekiditeko”. Gainera, animalien aldeko elkarteak azpimarratu du museoak animalien ongizatea bermatzeko egindako lana.
Idatziak dioenez, bi aldeek bi orduko bilera egin zuten “duela gutxi”, ATEAk eskatuta, eta, horretan, “bakoitzak norberaren argudioak eta ikuspuntuak azaldu zituen gizarteak eta bereziki arteak animalien erabileran ezarri behar dituen mugei buruz”.
Idatziak dioenez, “hartu-eman hauen zergatia Artea eta Txina 1989 ondoren: Munduaren antzerkia erakusketan dauden bi artelanen inguruan sortutako polemika izan zen, obra horietan bizirik dauden animaliak ikusgai baitaude”.
ATEAk bi artelanok kentzeko eskatu zion museoari, "baldintza horietan animaliak erabiltzeak tratu txarrak dakartzalako berez", eta Jardunbide Egokien Protokolo bat ezartzea eskatu zuen, idatzi horretan museoan bizirik dauden animaliak erakustea galarazteko.
“Eskaera horren harira, Museoak begirune osoz entzun zuen ATEAren iritzia”, baina ez da bat etorri, “kasu honetan bereziki zaindu baitira izaki bizidunei kaltea ekiditeko neurriak”.
Guggenheimetik adierazi dutenez, museoak azaldu zuen hori guztia bermatzeko biologo eta albaitariek osatutako aditu-talde baten aholkularitza eta zerbitzuak dituela, eta egunero arduratzen direla narrasti eta intsektuen elikadura, garbiketa eta zaintzaz.
Oharrak dioenez, “ATEAk ez ditu ontzat ematen polemikan aipatzen diren bi artelanak, baina onartzen du animaliek ez dutela elkar jaten eta, inguruabarrak kontuan izanik ere, Museoak ahalegin berezia egin duela animalien ongizatea bermatzeko”.
Hala ere, ATEAk berresten du ez dutela onartzen animaliak (“bizirik, kasu honetan”) arte adierazpenaren elementu gisa erabiltzea.
Nolanahi den, ezadostasunak gorabehera, puntu batzuk adostu eta ohar partekatua zabaltzea hitzartu zuten, animaliei emandako tratu txarrak arbuiatzeko, museoak antolatutako erakusketetan animalien sufrimendua ekiditeko eta arte-adierazpenak izaki bizidunei kalte egitea saihestu behar duela aldarrikatzeko.
Halaber, arteak “lerro gorri” batzuk errespetatu behar dituela ere badio testuak, eta horiek, kasu batzuetan, animaliak barne hartzen dituztela.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.