Holzer, Struth, Fontana, Moradi eta Sotoren lanak Guggenheimen, 2019an
Guggenheim Bilbao Museoak Jenny Holzer, Thomas Struth eta Lucio Fontana artisten lanaren inguruko atzera begirako erakusketak egingo ditu 2019an, Giorgio Morandiri begiratuko dio, Kunsthalle Bremen museoko funtsen lagin bat erakutsiko du eta Jesus Sotoren ibilbidea ekarriko du Bilbora.
“Gaur egungo artearen oinarriak” izenburu nagusiaren azpian, erakusketa hauek aurkeztuko dituzte: “Atzera begirada: Giorgio Morandi eta Antzinako Maisuak” eta XIX eta XX. mendeetako frantses eta alemaniar artea azpimarratuko duen bilduma, Bremengo Kunsthalle museoko maisulanekin paratutakoa.
“Aldi baterako erakusketa handiei” dagokienez, udaberrian Jenny Holzer izango da protagonista Bilboko museoan, eta udazkenean Thomas Struth alemaniar argazkilariaren berrogei urteko lanari irekiko diote atea.
Maiatzetik aurrera, “Gaur egungo artearen zertzeladak” sailaren barruan, Lucio Fontanari buruzko atzerabegirakoa izango da erakusgai; baita Gehrad Richterren itsas paisaien aukeraketa bat, zeinak ikus hautematearen naturaren inguruko hausnarketa proposatuko baitu; eta “Jesus Soto, laugarren dimentsioa” erakusketa ere, venezuelar artistak eskulturaren erabilera berriei buruz duen ikuspegia jorratuko duena, esperientzia artistiko erabatekotzat hartzen baitu arte adierazpide hori.
Azkenik, Allora & Calzadilla, Jesper Just, eta Jesse Jonesen bideoinstalazioek osatuko dute 2019ko programazio artistikoa.
Halaber, 2020rako prestatzen ari diren proiektu batzuen berri ere eman dute: Lygia Clark, Vasily Kandinsky, Olafur Eliasson, El Anatsui, Richard Artschwager, Lee Krasner…
Emaitzak eta aurrekontua
Aurtengo zenbakiei dagokienez, abenduaren 17ra arte 1.220.449 pertsonak bisitatu zuten museoa, aurreikusitakoa baino % 30 gehiagok.
Halaber, 2019ko aurrekontua onartu dute. 28,4 milioi eurokoa izango da, aurreko urteetakoen antzekoa, eta erakundeek ere diru-laguntzei eutsiko diete. 7,4 milioi bideratuko dituzte programazio artistikora.
Zure interesekoa izan daiteke
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.