Igor Yebra dantzaria Montevideoko Ohorezko Hiritar izendatu dute
Igor Yebra (Bilbo, 1974) euskal koreografo eta dantzaria eta Sodre Ballet Nazionaleko zuzendaria Montevideoko Ohorezko Hiritar izendatu dute astelehenean, Uruguaiko hiriburuko Teatro Solís antzokian egindako ekitaldian.
Besteak beste, kultura eta politika alorreko ordezkari hauek bildu ziren bertan: Carolina Cosse (Montevideoko intendentea, berak eman zion golardoa euskal artistari), Marina Wainstein (Uruguaiko Kultura zuzendaria) eta José Javier Gómez-Llera y García-Nava (Espainiako enbaxadorea Uruguain).
Dantzariaren ibilbide artistikoaren omenezko ikus-entzunezko bat proiektatu ostean, saria jaso zuen, eta “Eskerrik asko!” izan ziren hunkituta egin zituen lehen hitzak.
“Hiru urte hauek oso bizkorrak izan dira, lan handikoak, eta hiri batek hau ematea hunkigarria da oso. Ez dago hitzik azaltzeko zer sentitzen den batek lana publikoarengan pentsatuta egiten duenean”, esan du, EFEk zabaldutako elkarrizketa batean.
14 urte zituenetik da dantzari profesionala, eta nazioarteko hainbat konpainiatan aritu da lanean, Australian Balletean, Kubako Ballet Nazionalean, La Scala Milango konpainian eta Kremlin Balletean, besteak beste, eta 2006an akademia bat sortu zuen bere jaioterrian.
Pandemiak baldintzatutako agurra
2018ko otsailean heldu zen Yebra Montevideora Julio Bocca argentinarra zuzendari lanetan ordeztera, eta abenduan amaituko du Sodre Ballet Nazionalean. “Erronka etengabea izan da eta asko ikasi dut” bai pertsona moduan bai maila profesionalean, esan du bertan egindako lanaz galdetuta.
Azken egunak ditu han, eta, adierazi duenaren arabera, lanean zentraturik dabil, baina “unerik gogorrena” azken egunean iritsiko dela uste du.
“Horixe da pandemiaren irakatsia; ezin dela etorkizunera begira planik egin eta gauzak erraz etortzen direla pentsatu. Aitzitik, unean unekoa bizi eta gozatu behar dugu, eta ikusiko dugu bihar edo etzi zer datorkigun”, esan du.
Bilbotarrak nabarmendu duenez, ez du Uruguaira bueltatzea baztertzen: “Erronkak eta proiektuak onak badira, zergatik ez?”.
Mario Benedettiren eleberri ezagunenetako bat moldatu berri du bilbotarrak, “La Tregua”, Uruguaiko idazlea jaio zela 100 urte bete direnean, eta lan hori karteldegian dagoenean omendu dute bera ere.
Uruguaiko balleta zuzentzen egin dituen ia hiru urteetan zehar, hainbat obra interpretatu ditu, “El Corsario”, “On egin” edota “El Quijote del Plata”, esaterako. Azken horrekin, nazioarteko hainbat jaialditan parte hartu du Sodre Ballet Nazionalarekin batera, eta ekarpen garrantzitsua izan da Montevideorentzat, mundu osoan Cervantes omendu duten lau hirietako bat izan baita (Espainiako Alcala de Henares, Argentinako Azul eta Mexikoko Guanajuato izan dira beste hirurak).
2020an, COVID-19aren pandemian murgilduta, klase birtualen bidez jarraitu du ballet egiten, eta osasun-protokoloak onartutakoan, talde murriztuekin eta publikorik gabe lan eginez.
Horrela, irailaren erdialdean, Sodre Ballet Nazionalak publikoaren aurrean antzeztu zuen berriz ere, balleteko gala handi batean.
Zure interesekoa izan daiteke
'Carne y arena' "azalean sentitzen den" obra gisa definitu du Gonzalez Iñarrituk
Zinegilea Bilbon izan da ekainera arte EITBren egoitzan bisitatu daitekeen errealitate birtualeko instalazioa aurkezteko. Esperientzia horretan, Mexiko eta AEBen arteko muga zeharkatzen duten migratzaileek bizi dutenaren zati bat sentitzen dute ikusleek.
BBK Artearen Ibilbideak animaliak ditu protagonista aurten, eta Bizkaiko 30 udalerritara iritsiko da
Arte Ederren Bilboko Museoaren bildumako 38 artelanen erreprodukzioak bildu dira, hainbat paneletan. Erakusketan, artista, garai eta teknika desberdinetako aleak daude: margolanak, grabatuak, kartelak, arte aplikatuak... Maiatzaren 11n (Bilbo) hasi, eta abenduaren 9an (Durango) amaituko da, Bizkaiko 30 herritatik igaro ondoren.
Ibone Bengoetxea: "Venezian, zer izan nahi dugun ere erakutsi nahi dugu"
Euskal arteak Veneziako Biennalen presentzia egonkorragoa izateko lanean aritu da egun hauetan Eusko Jaurlaritza Italian, "I Baschi alla Biennale 1976/2026" proiektua garatzen. 2028tik aurrera Euskadik bienal horretan presentzia propioa izatea da helburua, Kultura sailburuak azaldu duenez.
Euskal artistek aldarrikapen politikoa eta mintzaira abangoardista uztartu zituzten Venezian 1976an
Beñat Sarasola eta Leire Vergara adituek 1976an euskal ahotsa Veneziako Bienalera eraman zuen artsita taldearen lanaz hitz egin dute, Veneziatik bertatik.
Euskal ordezkaritza Veneziako Bienalean da
Ibone Bengoetxea Eusko Jaurlaritzako Kultura sailburua buru dela, "I Baschi alla Biennale 1976/2026" ekimenak programa instituzional, akademiko eta artistikoa garatuko du Italiako hirian. Duela 50 urte, frankismoste betean euskal artea topagune horretara eraman zuten artistak izango dituzte gogoan.
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.