Zortzi bertsolari finalistak, Gipuzkoako txapela bereganatzeko prest
Larunbatean jokatuko da, ETB4 eta eitb.eus zuzenean lekuko direla, 2019ko Gipuzkoako Bertsolari Txapelketaren finala, Donostia Arenan, Illunben. Gaur, asteartea, genero aldetik lehenengoz parekidea izango den final horren aurkezpena egin dute, San Telmo museoan.
15 saioren ostean, larunbatean jokatuko dute finala, 17:00etatik aurrera, Agin Laburu Rezolak, Alaia Martin Etxebestek, Ane Labaka Mayozek, Beñat Gaztelumendi Arandiak, Beñat Lizaso Alberdik, Jon Maia Soriak, Nerea Elustondo Plazaolak eta Oihana Iguaran Barandiaranek.
Finalaren lehen zatian, zortzi bertsolariek hamabosna bertso puntuagarri abestu beharko dituzte: binaka zein bakarka, zortziko handian, zortziko txikian, hamarreko txikian eta nahi duten doinu eta neurrian.
Lehen zati horretan puntuazio altuena lortzen duten bi bertsolariak bigarren atalera pasatuko dira, eta 10 bertso puntuagarri gehiago abestu beharko dituzte: binaka, gaia emanda, sei puntuko motzean, hiruna bertso; binaka, gaia emanda, zortziko txikian puntutan, zortzi bertso osatu arte; eta kartzelako lana, gaia emanda nahi den doinu eta neurrian, hiruna bertso.
Azkenean, bi ataletako puntuazioak batuko dira txapelduna erabakitzeko, eta Xabier Gaztelumendik jantziko dio txapela.
Sarrerak eta emisioa
Sarrerak larunbateko 13:00ak arte erosi ahalko dira www.bertsosarrerak.eus webgunean, eta, horiek agortu ezean, 15:00etan irekiko da txarteldegia, larunbatean bertan.
Larunbatean bertan, 16:00etan, Realaren eta Bartzelonaren arteko futbol partida dagoela eta, antolatzaileek Donostia Arenara garaiz eta garraio publikoan bertaratzeko aholkua eman dute.
Mugikortasun arazoak dituzten pertsonek bide hauek dituzte antolatzaileei jakinarazteko: gipuzkoakotxapelketa@bertsozale.eus eta 943670575 telefono zenbakia.
Gipuzkoako Bertsolari Txapelketako finala ETB4 kateak eta eitb.eus-ek osorik eskainiko dute zuzenean. ETB1ek, berriz, gaueko albistegien ondoren egingo du bat finalarekin.
Zure interesekoa izan daiteke
Zortzi bertsolariak, Bizkaiko finalerako prest
Aitor Bizkarra, Aitor Etxebarriazarraga, Gorka Pagonabarraga, Jone Uria, Oihana Bartra, Onintza Enbeita, Txaber Altube eta Xabat Galletebeitia nor baino nor gehiago arituko dira larunbatean, abenduak 20, Casilla kiroldegian, Bilbon. Arantza Plaza bertso irakasleak jarriko dio txapela eguneko bertsolaririk onenari.
Leitzan hartu gaitu Xabat Illarregik, Nafarroako bertsolari txapeldun berriak
Xabat Illarregi Marzol leitzarra da Nafarroako bertsolari txapeldun berria. Azken txanpan anaiarekin kantatu zuen buruz burukoak txapelak baino poz handiagoa eragin ziola esan digu.
Xabat Illarregik euskarari "zentralitatea" eman nahi izan dio finalean
Nafarroako bertsolari onenaren txapela jaso berritan egindako lehenengo elkarrizketa.
Euskarari eta anaitasunari eskaini dio azken agurra Xabat Illarregi txapeldunak: “Hizkuntzarik ez duen herri bat ez da herri izango”
Xabat Illarregi leitzarrak irabazi du Nafarroako Bertsolari Txapelketa, lehenengoz. Azken agurrean, Joanes anaiari eskerrak emateaz gain, euskaraz egitearen beharraz eta garrantziaz aritu da.
Xabat Illarregik jantzi du Nafarroako txapela eta Joanes anaia izan da bigarrena
Illarregitar gazteenak 1.205 puntu eskuratu ditu, eta zaharrenak, berriz, 1.198,5. Bi anaiak buruz burukora iritsita, garbi zegoen leitzar bat izango zela 2025eko irabazlea. Txalo-zaparrada jaso dute biek ala biek Iruñeko Nafarroa Arenan.
Nafarroako Bertsolari Txapelketaren finala hartuko du gaur, lehenengo aldiz, Nafarroa Arenak
Eki Mateorena eta Ekhiñe Zapiain lehenengo aldiz izango dira final handian, Soto, Lazkoz, Joanes eta Xabat Illarregi, Alkaiza eta Roblesekin batera. 2.500 ikus-entzule inguru espero dira.
Hau da 2025eko Bizkaiko Bertsolari Txapelketako finaleko zortzikotea
Abenduaren 20an jokatuko da finala, 17:00etan, Bilbon, Casillan. Sarrerak bertsosarrerak.eus atarian daude eskuragai.
Zortzi finalistak, finalerako prest
Xabat Illarregi, Sarai Robles, Julio Soto, Joanes Illarregi, Eneko Lazkoz, Ekhiñe Zapiain, Saioa Alkaiza eta Eki Mateorena izango dira, azaroaren 29an Nafarroa Arenan, Nafarroako Bertsolari Txapelketaren finalean.
Erabaki da 2025eko Nafarroako Bertsolari Txapelketako finaleko zortzikotea
Joanes Illarregik irabazi du Tafallako finalaurreko eta zuzenean sartu da finalera. Berarekin batera, Xabat Illarregi, Eneko Lazkoz, Saio Alkaiza, Ekhiñe Zapiain, Sarai Robles eta Eki Mateorena oholtzaratuko dira azaroaren 29an, Nafarroa Arenan.
12 bertsolari, Bizkaiko Txapelketako finalaurrekoen azken bueltan
Aissa Intxausti, Aitor Bizkarra, Aitor Etxebarriazarraga, Ibai Amillategi, Onintza Enbeita eta Unai Mendiburu Bermeon arituko dira azaroaren 15ean, eta Gorka Pagonabarraga, Imanol Uria, Jone Uria, Oihana Bartra, Txaber Altube eta Xabat Galletebeitia Markina-Xemeinen hilaren 22an.