Johnny Winterren kontzertua, Bilboko BBK Aretoan
Johnny Winter blues eta rock estiloetako gitarrista mitikoak kontzertua eskainiko du gaur, maiatzak 12, Bilboko BBK Aretoan, 20:00etan, Music Legends zikloaren baitan, aretoko iturriek jakinarazi dutenez.
"Maiatza blues elektrikoaren ikurrarentzat izango da, Woodstockeko oinordekoarentzat. Rockak inoiz izan duen albino famatuena, blues-rockaren kondaira bizia, genero honetan ezinbesteko diren diskoen egilea. Zuzenean inor gutxi bezain mirestua, aukeratua, slide gitarrarekin handienetakoa", nabarmendu dute.
John Dawson 'Johnny' Winter (Beaumont, AEB, 1944), blues eta rock gitarrista estatubatuarra da, 1960ko hamarkadaren amaieratik "kondairazko izarra" blues elektrikoaren munduan. Woodstockeko jaialditik bizirik dirauten musikarietako bat da, jaialdi hartan emanaldia egin zuenean legenda zena.
San Frantziskon Janis Joplinekin, Quicksilver Messenger Service taldearekin eta beste hamaika banda historikorekin jo zuen. Gero, New Yorken Jimi Hendrix ezagutu zuen eta, Steve Paul managerrarekin batera, Columbia diskoetxearekin kontratu handia sinatu zuen.
1971n "Johnny Winter And" plazaratu zen, bere lan nagusia, askoren ustez, artista ezagunen abestiak "era azkar eta garratzean" moldatuz, The Rolling Stonesen "Jumpin' Jack Flash" eta Winwood/Capaldiren "No time to live", esaterako.
Bere diskoek gero eta gehiago blues gogorreranzko joera hartu zuten eta 1970eko hamarkadaren bukaeran Muddy Waters blusman handiaren zenbait disko ekoitzi zituen, besteak beste. Azken honekin bi Grammy sari lortu zituen.
2004an itzuli zen, "zerbait esateko zuelako", zortzi urtean argitaratu zuen lehen bildumarekin: "I'm a Bluesman". Kritika bikainak eta Grammy sarietarako izendapena lortu zituen. 2009an beste bilduma bat atera zuen, abesti ezagunenekin moldatua: "The Johnny Winter Anthology".
Horrela, "kondairazko gau berri bat" izango da gaur BBK Aretoan, blues-rockaren hainbat klasiko entzungo baitira, hala nola "Good Morning Little Schoolgirl", "Got my mojo working", "Bonnie Moronie", "Jumpin' Jack Flash" edo "It's all over now".
Albiste gehiago musika
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.
?fmt=png-alpha&qlt=80)
Udan barrena, rock-and-rollaren doinupean
Azkena Rock Festivalen 23. edizioa ekainaren 19, 20 eta 21ean egingo dute Gasteizen, Mendizabalako eremuan. Ez dirudi ideia txarra udarako sarrera (larunbat goizaldean sartuko gara udan) John Fogertyren, Lucinda Williamsen edo Manic Street Preachersen eskutik egiteak.
Bilborekin zuen zorra ordaindu du Alan Parsons mito handiak
Musikari eta ekoizle britainiarrak kontzertua eman du larunbat honetan BBK Bilbao Music Legends Fest jaialdian, 2022ko edizioan parte hartzeari uko egin behar izan ostean.
Euriak ez du itzali Anoetako "akelarre antifaxista"
Fermin Muguruzak 30.000 lagun bildu ditu Donostian, 40 urteko ibilibide musikala ospatzeko, Palestinaren aldeko aldarri solidarioen artean. Gainera, abeslariak beste kontzertu bat iragarri du abuztuaren 14an, Irunen.
Anoeta Palestinaren aldeko aldarri bihurtu dute Fermin Muguruzaren zaleek
Euriak ez ditu Anoetan bildutako milaka zaleak kikildu, eta Palestinari elkartasuna erakutsi diote, Irungo musikariaren kontzertuaren atarian.
Fermin Muguruza: "Emango ditudan azken kontzertuak bezala bizitzen ari naiz"
30.000 lagun espero dira larunbat gau honetan Anoetan, Fermin Muguruzaren kontzerturako. Talde desberdinek parte hartuko dute 7 orduko ikuskizunean eta 21:00etan irtengo da oholtzara Fermin Muguruza. Kontzertuaren atarian berarekin egoteko aukera izan dugu.
Bilbok ongietorria egin dio Alan Parsonsi
Britainiar artista BBK Bilbao Music Legends jaialdiko larunbateko egitarauaren buru izango da. Ostiralean, Blue Oyster Cultek joko du, esaterako.
Ezpalak taldeak Resurrection Fest jaialdian jotzeari uko egin dio
Taldeak azaldu duenez, zaila egiten zaie "ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea", Galiziako jaialdiaren atzean dagoen inbertsio funtsak Palestinan dituen interesak direla eta.
Euskadiko Orkestrak sustraietara joko du 2025/2026 denboraldian
Maurice Ravel, Juan Cristostomo de Arriaga, Pablo Sorozabal, Carmelo Bernaola eta Felix Ibarrondo euskal konpositoreen lanak joko ditu Euskadiko Orkestrak, besteak beste, 2025/2026 denboraldian, eta "Akelarre" Pascual Aldaveren lana grabatuko du.
Kala Naiz: ''Barkatu''
Zuriñe Hidalgo abeslaria (Hesian) bueltan da lau urteko isilaldiaren ondoren, eta Seiurteren kantu baten moldaketa aukeratu du Kala Naiz proiektua aurkezteko.