Jack DeJohnette eta Charles Bradey ere egongo dira 51. Jazzaldian
Heineken Jazzaldiaren 51. edizioak udan bertako agertokietan arituko diren beste hainbat musikariren izena iragarri du. Diana Krall, Gloria Gaynor, Branford Marsalis, Brad Mehldau, John Scofield, Jan Garbarek eta Marc Riboti, orain arte iragarritako artistei, Cyrus Chestnut, Snarky Puppy, Charles Bradley, Terje Rypdal, Jerry Bergonzi, Ellis Marsalis, Jack DeJohnette, José James, Steps Ahead eta Bobo Stenson gehitu zaizkie, beste askoren artean.
Uztailaren 21ean, Jazz Band Ball egingo dute Zurriolako hondartzan eta Kursaaleko terrazetan, baina egun horretako izarra Gloria Gaynor abeslaria izango da. Heineken agertokian bertan, gauerdian, funkeko mitoetako bat izango da gainera: The Zapp Band.
Beste agertoki batzuetan, gau horretan bertan, Cyrus Chestnut, Buster Williams eta Lenny Whiteren hirukotea; Marc Riboten azken proiektua; John Nemeth amerikar blueseko izarra eta Tricia Evy abeslari frantsesa egongo dira.
Uztailaren 22tik hasita, Heineken Jazzaldiaren agertoki garrantzizkoenak, Trinitate enparantzak, jazzeko lau saio bikoitz eskainiko ditu. Hasteko, Marsalis familiako bi izar: Ellis, aita, izango da lehen saioko protagonista, bere laukotearen buruan, eta ondoren, Branford Marsalis handiaren txanda izango da, jazzeko kantari miretsienetako bat bere taldean duela, Kurt Elling.
Uztailaren 23an, larunbata, jazz garaikideko bi erreferentzia egongo dira: Jack DeJohnette bateria-jotzaile eta pianistaren hirukoa, Ravi Coltrane saxofonista bertan dela, eta Steve Coleman saxofoilariaren 5 Elements taldea.
Uztailaren 24an, igandea, azken garaiotan estiloa markatzen ari den beste abeslari baten kontzertuarekin hasiko da Trinitateko saioa: José James. Haren atzetik, talde mitiko bat taularatuko da: Steps Ahead, Mike Mainieri bibrafonista buru duela.
Azkenik, astelehenean, uztailak 25, Diana Krall handia izango da Trinitate enparantzako oholtzan, bere laukote berriarekin. Aurretik, Bobo Stenson suediarra arituko da giroa berotzen.
Kursaal, Agertoki Bedea...
Kursaaleko auditoriumean, lau kontzertu eskainiko dituzte Jazzaldian: uztailaren 22an, Brad Mehldauk, John Scofieldek eta Marc Guilianak osatutako hirukoa; hurrengo egunean, Ibrahim Maalouf tronpetaria; igandean, Jan Garbarek norvegiarra; eta uztailaren 25ean, Christian Scott tronpetaria.
Victoria Eugenia Antzokiaren programazioak bi emanaldi berezi eskainiko ditu: uztailaren 24an, Bertsoa & Jazza egongo da, eta, uztailaren 25ean, La Marmite Infernalek joko du.
Aurten, San Telmo Museoak ere bost kontzertu hartuko ditu, 12:30ean, eguna jazz doinuz has dadin.
Azkenik, Heineken agertokian, Gloria Gaynorren ondoren (berak zabalduko du bertako programazioa), Ryley Walker eta Snarky Puppy taldea izango dira hilaren 22an; uztailaren 23an, Rural Zombies eta Nick Waterhouse ikusteko parada egongo da; eta hilaren 24an, , Grupo Fantasmak eta Charles Bradleyk itxiko dute agertokiaren proposamena.
Sarrerak salgai daude dagoeneko webgunean eta Victoria Eugenia Antzokiko leihatiletan (11:30etik 13:30era eta 17:00etatik 20:00etara).
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.