The Divine Comedy BIME Live jaialdian arituko da, urriaren 29an

BEC erakustazokak hartuko du Britainia Handiko indie pop taldearen emanaldia, udazkenean.

LUZIA ZUGADI | EITB.EUS

2016/05/17 - 15:01

Azken eguneratzea

2016/05/17 - 15:01

Britainia Handiko indie pop musikaren erreferente den The Divine Comedy taldeak iragarri du urrian Barakaldon arituko dela. 25 urte daramatza agertoki gainean aipatu taldeak, Neil Hannon abeslaria buru duela. Hain zuzen ere, Erresuma Batuko konpositore onenetakoa da Hannon. Batik bat, duen ahotsak eta publikoarengana iristeko erakutsitako gaitasunak egiten dute ezberdin.

Urteen joan-etorrian artista askorekin kolaboratu izan du, dela Michael Nymanekin, dela Tom Jonesekin, eta telebista-saio batzuetako musika egiteaz ere arduratu da. Orain, Foreverland disko berria prestatzen dabiltza The Divine Comedy taldekoak; irailaren 2an kaleratuko duten estudioko hamaikagarren lana, hain justu.

Hori horrela, Bime Live izango da taldearen lehendabiziko kontzertuetako bat. Izan ere, urriaren 29an helduko dira BEC erakustazokara, abesti berriak aurkezteko.

Gainera, 2017ko otsailerako bira laburra iragarri dute Espainiako Estatutik. Aurreikusitakoaren arabera, Sevilla, Madril eta Bartzelona bisitatuko dituzte, otsailaren 5etik 8ra.

Albiste gehiago musika

Fin del Mundo, Hidrogenesse, Pinpilinpussies eta Mirua, Glad is the Day jaialdian

Doako jaialdiaren bederatzigarren edizioa abuztuaren 3an egingo dute Donostian, Cristina Enea parkean.

Bizkaiko Erromeria Eguna urriaren 4an ospatuko dute, Durangon

30 taldek baino gehiagok hartuko dute parte ospakizunaren lehen edizioan: Ibon Koteron eta Julen Begoña albokariak, Iker Alvarez eta Aitor Urkiza txistulariak, Mirari Azkune eta Aintzane Agirrebeña trikitilariak, Zabaleta eta Motriku trikitilari historikoak, Aiko, Luhartz…

Dave Douglas Quartetek Getxoko jazz jaialdia itxi du

Estatubatuar tronpeta-jotzaileak bost eguneko egitarau oparoa itxi du bart, Muxikebarri antzokian.

Oasis oholtza gainean da berriro, 16 urteren buruan, eta munduko birari ekin dio Cardiffen eskainitako kontzertu supersoniko batekin

75.000 pertsona bildu ziren bart Principality Stadiumen "Oasis Live '25" izenburuko biraren lehen emanaldian. Gallagher anaiak sorbaldatik helduta iritsi ziren, eta eskuak altxatuz, jendaurrean modu sinbolikoan bakeak egin zituzten.

Oasis taldeak isilaldia etengo du gaur, Cardiffen hasiko den bira historiko batean

Manchesterko taldea agertokietara itzuliko da gaur, mundu mailan ikusmira piztu duen kontzertu batean. Gallagher anaien mundu birak Europa, Amerika, Asia eta Ozeania zeharkatuko ditu, sarrera guztiak agortuta dituztela.

Paquito D’Rivera Quintetok Getxo sorgindu du

Kubatar klarinete eta saxo jotzaileak emanaldi gogoangarria eskaini du Getxoko jazz jaialdiaren bigarren gauean, Pepe Riverok (pianoa), Yuvisney Aguilarrek (perkusioa), Reinier Elizarde ‘el Negrón’ek (kontrabaxua) eta Sebastián Laverdek (bibrafonoa) lagunduta.