PJ Harvey, BIME Live jaialdiko kartelburu berria
BIME Live jaialdiak iragarri du PJ Harvey izango dela aurtengo edizioko kartelburuetako bat. Gainera, antolatzaileek jakinarazi dute Moderat, Toundra eta Kevin Garret arituko direla urriaren 28an eta 29an BEC! erakustazokan.
Rock musikak urteen joan etorrian utzi duen emakumezko artista garrantsitsuenetakoa da PJ Harvey. Bi hamarkada luze daramatza musikaren munduan, baina oraindik ez da sekula Euskal Herrian izan. Urrian, aitzitik, The Hope Demolition Project diskoa esku artean hartuta iritsiko da Barakaldora.
Gainera, Moderat bikoteak techno, bass music eta pop doinuz jantziko du aipatu jaialdia.
Horiek, ordea, ez dira gaur iragarritako emanaldi bakarrak. Izan ere, Toundraren eta Kevin Garretten kontzertuak ere gehitu dituzte egitaraura azken orduan.
Orain arte iragarritako artistak
PJ HARVEY
SUEDE
MODERAT
THE DIVINE COMEDY
THE HORRORS
TOUNDRA
JAMES VINCENT MCMORROW
WILD BEASTS
LAMBCHOP
NACHO VEGAS
RICHMOND FONTAINE
TOY
KEVIN GARRET
...
Sarrerak
Bi eguneko bonua 55 euroan dago salgai. 10 euro gehiago ordainduta kanpalekura joateko aukera izango du ikuslegoak.
Sarrerak jaialdiaren webgunean eskuratu daitezke.
Albiste gehiago musika
Bilbao BBK Live orroka hasi da
Raya Diplomática, Javier Calvo Los Javis zinemagile bikoteko kidearen punk taldea, izan da Bilbao BBK Live Bereziak hiriko kontzertuen zikloa irekitzeko arduraduna. Igande goizaldera arte, atertu gabe entzungo da musika Bilbon.
Kobetamendi dantzan hasiko da
Pulp britpop taldea buru dela, Kaytranadari, Ca7riel & Paco Amorosori eta Bicepi toki egingo die, besteak beste, lehenengo egunerako britainiar proposamen interesgarriz mukuru betetako kartelak: Michael Kiwanuka, English Teacher, Wunderhorse…
Gorka Urbizu Abbey Road estudio mitikoetan grabatzen hasi da: "Amets bat da edozein musikarirentzat"
Lekunberriko musikariak Londresko Abbey Road estudioetan bi kantu grabatuko ditu datozen egunetan. "Ez da soilik estudio bat, musikaren historiako izenik handienak pasa diren eraikin bat da", adierazi du Urbizuk hunkituta estudioen ateetan. Bere asmoa lan hau azaroan kaleratzea da, zuzeneko gira bukatuko duenean.
Kobetamendik 60 herrialdetako 100.000 musikazaletik gora hartuko ditu Bilbao BBK Live jaialdian
Alfonso Santiago Last Tourren zuzendariak azaldu duenez, Pulp, Kylie Minogue, Raye eta Bad Gyal buru dituen kartelak "geruza asko" ditu, "generoarekin, gizarte- eta hizkuntza-sentsibilitatearekin zerikusia dutenak".
"Harritzen zaituen eta etxera eramango duzun hori aurkitzeko daude jaialdiak"
Kobetamendi prest dago ostegun, ostiral eta larunbatean Bilbao BBK Live jaialdiaren hemeretzigarren edizioa hartzeko. Alfonso Santiago jaialdiaren zuzendariak berorren hainbat alderdi aletu dizkigu. (jatorrizko adierazpenak, gaztelaniaz)
EGOk bost kontzertu eskainiko ditu uztailaren 11tik 15era
Diego Martin-Etxebarria maisuaren batutapean, Jon Esnaola konpositoreak idatzitako ‘Luur’ obraren erabateko estreinaldia egingo dute Gasteizen, Azkoitian, Hondarribian, Bilbon eta Donostian.
Fin del Mundo, Hidrogenesse, Pinpilinpussies eta Mirua, Glad is the Day jaialdian
Doako jaialdiaren bederatzigarren edizioa abuztuaren 3an egingo dute Donostian, Cristina Enea parkean.
Bizkaiko Erromeria Eguna urriaren 4an ospatuko dute, Durangon
30 taldek baino gehiagok hartuko dute parte ospakizunaren lehen edizioan: Ibon Koteron eta Julen Begoña albokariak, Iker Alvarez eta Aitor Urkiza txistulariak, Mirari Azkune eta Aintzane Agirrebeña trikitilariak, Zabaleta eta Motriku trikitilari historikoak, Aiko, Luhartz…
Dave Douglas Quartetek Getxoko jazz jaialdia itxi du
Estatubatuar tronpeta-jotzaileak bost eguneko egitarau oparoa itxi du bart, Muxikebarri antzokian.
Oasis oholtza gainean da berriro, 16 urteren buruan, eta munduko birari ekin dio Cardiffen eskainitako kontzertu supersoniko batekin
75.000 pertsona bildu ziren bart Principality Stadiumen "Oasis Live '25" izenburuko biraren lehen emanaldian. Gallagher anaiak sorbaldatik helduta iritsi ziren, eta eskuak altxatuz, jendaurrean modu sinbolikoan bakeak egin zituzten.