Hudson, The Mingus Big Band eta Cory Henry, Gasteizko Jazzaldian
Hudson, The Mingus Big Band eta Cory Henry uztailaren 17tik 21era Gasteizen egingo duten jazz jaialdian egongo dira, antolatzaileek ohar batean iragarri dutenez.
Hudson proiektua lau musikari beteranok sortu dute, taldeko liderraren, Jack DeJohnette bateriaren, 75. urtebetetzea ospatzeko. John Medeski teklatu-jotzaileak, John Scofield gitarristak eta Scott Colley baxu-jotzaileak laguntzen diote abentura honetan, DeJohnettek bezala Hudsoneko ibarrarekin lotura eta musikarako eta sormenerako grina duten musikariek.
Gasteizen, uztailaren 18an arituko dira Hudsoneko ibarreko kantuz (Bob Dylanetik hasi eta Jimi Hendrixeraino) osatutako diskoa aurkezten.
The Mingus Big Band Charles Mingus konpositore eta kontrabaxu-jotzailea omentzen duen 14 musikariko taldea da, eta uztailaren 19an joko du Gasteizen.
Cory Henry, egungo funk musikari azpimarragarrienetako bat, uztailaren 20an, ostiralarekin, iritsiko da Arabako hiriburura, The Funk Apostles taldea lagun.
Zure interesekoa izan daiteke
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
Nøgen taldeak azken diskoa eta agur bira iragarri ditu
The National taldea Kursaalen izan da gonbidatu askorekin batera
The National taldeak Donostian emango duen kontzertuaren xehetasunak kontatu dizkigu
?fmt=webp-alpha&qlt=80)