Diana Krall, Jamie Cullum eta Neneh Cherry izango dira Donostiako Jazzaldian
Donostiako Jazzaldiak 54. ediziorako baieztatuta dituen kontzertuak aurreratzen jarraitzen du. Donostiako Heineken Jazzaldiko arduradunek gaur jakinarazi dutenez, Diana Krall, Jamie Cullum eta Neneh Cherry abeslarien emanaldia izango da aurten (uztailaren 24tik 28ra).
Horrez gain, beste izen-abizen batzuk ere iragarri dituzte: Joshua Redman eta Donny McCaslin saxofoi-jotzaileak eta Maria Schneider konpositorea. Horiei guztiei urrian iragarritako beste izena erantsi behar zaie: John Zorn.
Diana Krall abeslari kanadarrak ondo ezagutzen du Donostia, 2013an eta 2016an ere kontzertua eskaini baitzuen Jazzaldian. Oraingo honetan Joe Lovano saxofoi-jotzailea izango du ondoan, artista gonbidatu gisa. Robert Hurst kontrabaxu-jotzailea eta Karriem Riggins bateria-jotzailea ere izango dira taula gainean.
Jamie Cullum britainiarra ere aspaldiko ezaguna dute euskal jazz zaleek. 2009an kontzertu gogoangarria eskaini zuen, eta 2015ean hiru emanaldi ezberdinetan ikusi ahal izan genuen: DJ gisa hondartzan eskainitako emanaldi batean; pianoarekin, Kursaalen, eta talde osoarekin, Trinitate plazan.
Neneh Cherry hirugarrenez etorriko da Donostiara, 2007an eta 2012an egon baitzen. Oraingoan, "Broken Politics" (2018) diskoa aurkeztuko du.
Redman, McCaslin eta Scheider
Joshua Redman saxofonistak "Still Dreaming" lana aurkeztuko du Jazzaldian; Redmanekin batera, Ron Miles (tronpeta), Scot Colley (kontrabaxu) eta Dave King (bateria) izango dira.
Jazzaldiko zaleek gogoan dute oraindik 2007an Donny McCaslinek egindako esperientziaz betetako emanaldia, Steps Ahead, Gil Evans, Danilo Perez eta Dave Douglas talde edo abeslariekin ibilitakoa baita.
McCaslinek "Blackstar" lanaren, David Bowieren azken diskoaren, grabazioan parte hartu zuen, eta oraingo honetan omenaldia egingo dio Maria Schneiderrekin batera emanaldi beran izango baitira.
Kontzertuaren lehen zatia McCaslinen esku egongo da; bigarrena, ordea, Scheniderrek gidatuko du Ensemble Denada taldearekin batera. Hala ere, kontzertuaren bukaeran batuko dira "Sue (Or in a Season of Crime)" abestia interpretatzeko, abesti hori Schneiderrek idatzi baitzuen 2014an Bowierentzat. Bowiek, gainera, Grammy sari bat irabazi zuen abesti horrekin.
Schneiderrentzat Jazzaldira datorren lehen aldia izango da; konpositore ospetsua izateaz gain, jazz zuzendaria da, eta bost Grammy irabazi ditu. Agertoki gainean ez da bera bakarrik egongo, Norvegiako Ensemble Denada taldearekin izango baita. Ensemble Denada taldea Europako talderik berritzaileenen artean dago.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.