Brad Mehldau, Cécile McLorin Salvant eta Kenny Barron, Donostiako Jazzaldian
Brad Mehldau, Cécile McLorin Salvant, Noa, Bill Frisell, Mulatu Astatke, Gonzalo Rubalcaba, Sílvia Pérez Cruz eta Kenny Barron dira uztailaren 21etik 25era Donostiako Jazzaldiaren 56. edizioan parte hartuko dute artistetako batzuk. Sarrerak laster jarriko dituzte salgai.
Jazzalditik adierazi dutenez, oraindik ez dakite zer edukiera eta ordutegirekin egin ahalko diren kontzertuak edo mugikortasuna mugatuta egongo ote den, baina baieztatu dute Donostian izango direla “Cécilo McLorin Salvant handia; Noa, Iñaki Salvador donostiar pianistarekin batera; Buika goxo eta sentsuala; Arlo Parks Londreseko artista berri nabarmena; Aymée Nuviola kubatarra; eta Silvia Pérez Cruz Farsa Circus Bandekin batera”.
Horrez gain, “pianisten jaialdia” izango dela gehitu dute, eta horren erakusgarri izango dira, Iñaki Salvadorrez gain, Franco D'Andrea, Giovanni Guidi, Brad Mehldau, Kenny Barron, Gonzalo Rubalcaba, Marcin Masecki eta Marco Mezquida.
"Dave Douglas, Mulatu Astatke, Dave Holland, Jean Toussaint, Eric Seva, Naïssam Jalal eta Bill Frisell" dira 56. Jazzaldian egongo direla berretsi duten beste artista batzuk.
Gainera, “Jorge Pardo maisu handia ere egongo da, Niño Joselerekin batera Chick Corea oroitzen, baita La Locomotora Negra, jazzaren talde aitzindarietako bat Katalunian”.
Zure interesekoa izan daiteke
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
Nøgen taldeak azken diskoa eta agur bira iragarri ditu
The National taldea Kursaalen izan da gonbidatu askorekin batera
The National taldeak Donostian emango duen kontzertuaren xehetasunak kontatu dizkigu
?fmt=webp-alpha&qlt=80)