Bertan behera gelditu dira La Polla Recordsen eta Jose Luis Peralesen kontzertuak eta Mayumana ikuskizuna
Gaurtik Euskal Autonomia Erkidegoan indarrean dauden murrizketa neurriak eta edukiera mugak tarteko, egunotarako iragarrita zeuden kultur ekitaldietako asko bertan behera gelditu dira. Esate baterako, ez dira egingo La Polla Recordsek Donostiako Belodromoan eta Jose Luis Peralesek Bilboko Euskaldunan gaur ematekoak zituzten emanaldiak eta Mayumana konpainiak gaur eta bihar Gasteizko Principal Antzokian eskaini behar zituen ikuskizunak.
Last Tour enpresa sustatzaileak atzo iragarri zuen bertan behera utzi zuela La Polla Recordsek gaur Donostiako Anoeta belodromoan eskaini behar zuen kontzertua, Eusko Jaurlaritzak pandemiari aurre egiteko ezarri dituen neurri murriztaile berrien ondorioz.
Besteak beste, 5.000 pertsona baino gehiago bildu daitezkeen gune itxietan edukiera % 50era murriztea erabaki du Eusko Jaurlaritzak eta neurri horrek Anoetako belodromoan egin behar zen emanaldiari eragiten dio.
Hasierako planaren arabera, kontzertu hori irailaren 26an eta hipodromoan antolatu behar zuten, baina covid-19aren ondorioz hainbat aldiz atzeratu zuten eta lekuz aldatzea erabaki zuten.
"Oraingoan, baina, ezin dugu kontzertua gehiago atzeratu, La Pollak ez baitu gehiago joko 2022tik aurrera. Horregatik, eta edukiera baldintzak betetzeko edozein aukera diskriminatzailea izango litzatekeela ikusita, kontzertua bertan behera uztea beste aukerarik ez dugu", adierazi du Last Tourrek ohar batean.
Antolatzaileek esker ona adierazi diete zaleei denbora luzean zain egoteagatik eta zehaztu dute sarreren dirua automatikoki itzuliko zaiela 60 eguneko epean.
La Pollak Gasteizen eman zuen azken kontzertuan polemika piztu zen, txertoen kontrako talde bati agertokira igotzea utzi ziotelako.
Jose Luis Peralesen Bilboko kontzertua ere, bertan behera
Jose Luis Perales abeslariak gaur arratsaldean Bilboko Euskalduna Jauregian eskaintzekoa zuen kontzertua ere bertan behera gelditu da, Eusko Jaurlaritzak ezarritako edukiera mugak tarteko.
Euskalduna Jauregiak berri eman duenez, oraindik ez dute kontzertua egin ahal izateko datarik finkatu.
Hasiera batean, Jose Luis Peralesen kontzertuak irailerako programatu ziren, baina abendura atzeratu ziren orduan aurreikusitako edukieretan egitea ezinezkoa zelako.
Jose Luis Peralesek lehen emanaldia eskaini zuen astelehenean Bilbon, "Baladas para una Despedida" biraren baitan.
Bertan behera geratu dira Mayumanaren Principal Antzokiko emanaldiak
Eusko Jaurlaritzak covid-19ari aurre egiteko ezarritako edukiera muga berriak tarteko, bertan behera geratu dira Mayumana konpainiak gaur eta bihar Gasteizko Principal Antzokian eskaintzekoak zituen hiru emanaldiak.
Konpainiak eta Udalak azaldu dutenez, antzokiaren edukiera % 60ra egokitzeko denborarik eduki ez dutenez erabaki hori hartu behar izan dute.
Urtarrilaren 12tik aurrera itzuliko dute sarreren dirua, txartela erosteko baliatu den kanal beraren bitartez.
Udalaren Antzoki Sarea lanean ari da ikuskizuna aurrerago egin ahal izateko.
Albiste gehiago musika
Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Gipuzkoako Aldundiak Lourdes Iriondo abeslariari emango dio 2025eko Urrezko Domina
Sariaren helburua "Lourdes Iriondok euskararen eta euskal kulturaren biziberritzean garatu zuen lan zabal eta berritzailea gaur egunera ekartzea eta justizia egitea da, bere ondareak lurraldeko historian merezi duen lekua izan dezan".
Estrella Morente, bart Getxon
Granadar kantariak kontzertua eskaini du bart Muxikebarri Getxoko aretoan, Getxo Folk jaialdiaren bigarren gauean. Igandean, Benito Lertxundi omenduko dute espazio berean.
Zetak taldeak Bilbon eskainiko duen bigarren ikuskizunerako sarrerak, agortzear
70.000 sarrera inguru saldu dituzte nafarrek bi egunean. Ekainaren 20ko emanaldikoak berehala agortu ziren, eta 19koak, agortzeko bidean dira.
Xabier Zeberio & Andrés Isasi Musika Eskolako Orkestra, Getxo Folk irekitzen
Xabier Zeberioren zuzendaritzapean, orkestrak jazza, euskal musika popularra eta inprobisazioa uztartu ditu Bizkaiko jaialdiaren lehen egunean, "Pause" proiektuko kantuetan.
Zetak taldeak San Mameseko kontzerturako sarrera guztiak saldu ditu, eta bezperan ere joko du
Pello Reparaz buru duen taldeak "Mitoaroa III" ikuskizun distopikoa taularatuko du ekainaren 19an eta 20an Bilboko estadioan. Bihar, ostegunarekin, jarriko dira ekainaren 19rako sarrerak.
Pello Reparaz: "Jendea epel ez gelditzea zen asmoa, eta lortu dugu"
"Egun On" ETBko saioak elkarrizketa egin dio Pello Reparazi, Zetak-ek "Mitoaroa II" kontzertu errenkada amaitu eta biharamunean. Ekainaren 20an San Mamesen egingo duten ikuskizunari buruz ere hitz egin digu.
-1:eitb-banner?$eitb-banner$&fmt=png-alpha&qlt=80)
Rick Davies Supertrampeko abeslari eta konpositorea zendu da
Britainiar musikariak mieloma zuen duela hamar urtetik, eta 81 urte zituela hil da.
Lady Gaga, Mariah Carey, Sabrina Carpenter eta Ariana Grande, MTV Video Music Awardseko izar distiratsuenak
Ariana Grande pop abeslariak irabazi du MTV Video Music Awards sarietako sari nagusia, eta Lady Gagak eta Sabrina Carpenterrek jaso dituzte ohore handienak New Yorken, jarraitzaileen gogokoenen izarrez beteriko ospakizunean. Grandek urteko bideo onenaren saria irabazi du Brighter Days Ahead lanagatik, eta, ondorioz, jarraitzaileek bozkatutako sarietan gaueko saririk handiena jaso du. Mariah Careyk ibilbidearen saria jaso du, eta bideoklipak egitea zein dibertigarria den azaldu du.
Pello Reparaz: “2084an kokatuko da ‘Mitoaroa III’ ikuskizuna”
Zetak taldeak 2026ko ekainaren 20an eskainiko du San Mames futbol zelaian George Orwellen 1984 obran oinarritutako Mitoaroa III ikuskizuna, 2084an kokatuko den etorkizun distopikoa. “Apustuak, arriskua eta gauza ezberdinak bizitzeko aukera bat da Zetak”, nabarmendu du Reparazek, eta historia egiteko gogoz agertu da.