Mondra & Roll jaialdiak Cock Sparrer, The Baboon Show eta Cockney Rejects eramango ditu Arrasatera
Mondra & Roll jaialdiak punk rock doinuz jantziko du Arrasate, RIP mitikoen jaioterri eta musika mota horri abegi goxoa egin dion eta egiten dion herria. Jaialdia jarraitutasuna izateko asmoz jaio da, eta lehen edizio hau uztailaren 8 eta 9an egingo dute, kartelburuak hurrenez hurren The Baboon Show eta Cock Sparrer izango direlarik.
Ostiraleko kartelean, talde hauek daude: The Baboon Show suediarrak, Cockney Rejects Oi! musikaren aitzindariak, La Inquisición bartzelonarrak, La Excavadora arabarrak, azkenaldian euskal musika panoramak jaso duen iritsiera pozgarrietako bat, eta The Capaces.
Larunbatean, bestalde, Cock Sparrer mitikoek 50 urteko ibilbidea ospatuko dute Arrasaten, eta Des-kontrol arrasatearrek erdia, taldearen 25. urteurrena. Lagun izango dituzte Peter and the Test Tube Babies historikoak, Perlata, Crap eta Zero.
Aforoa 2.500 pertsonakoa izango da, eta eguneko sarrerak (38,5 euro) eta bonuak (59,5 euro) salgai daude dagoeneko.
Zure interesekoa izan daiteke
Alejandro Espinosa, pianoen doinua zaintzen duen profesionala
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
Nøgen taldeak azken diskoa eta agur bira iragarri ditu
The National taldea Kursaalen izan da gonbidatu askorekin batera
