2.500 artista baino gehiago azaroaren 25ean Bilbon, Fair Saturday irekitzeko kontzertuan

Azaroaren 25ean, Fair Saturday ekitaldia irekitzeko jaia izango da Bilbon, kontzertu erraldoi bat: Bilboko Udal Banda eta 2.500 laguneko abesbatza musikaren historiako abesti ezagunak jotzen, hainbat gonbidaturekin batera, hala nola Gatibu, Kalakan, Maren eta Afrika Bibang.

Bi ordu baino gehiagoko ikuskizunaren zuzendaria Jose R. Pascual-Vilaplana izango da, Iñaki Irastorza eszena, argi eta argazki zuzendariaren laguntzaz.

Urtero bezala, Fair Saturdayren irekiera gala azaroaren azken ostiralean, hilak 25, egingo dute Bilbao Arenan, 20:00etan.

Sarrerak ekimenaren webgunearen bidez salduko dira. 15 eta 40 euro arteko prezioan. 6.000 pertsonarentzako tokia egongo da, eta EITBk grabatuko du, Gabonetan emateko.