Antzerkia, Afrikako dantzak eta Michael Jacksonen omenezko ikuskizuna Pozalaguako jaialdian
Pozalaguako jaialdiak bat-bateko antzezlan bat, Afrikako dantzen saio bat, Mubajito taldearen kontzertua eta Michael Legend poparen erregearen omenezko ikuskizuna eskainiko ditu abuztuaren 5ean eta 6an.
Karrantzako Udalak eta Enkarturrek antolatzen duten jaialdirako sarrera doakoa izango da, eta Donosa harrobian zizelkatutako anfiteatro batean egiten dute, Pozalaguako koben ondoan.
Emanaldiak ostiralean, abuztuak 5, hasiko dira 20:30ean. Jamming Show ikuskizuna taularatuko dute; Enkarturren hitzetan, "bi milioi ikusleren eta kritikari askoren bermea duen bat-bateko antzerkiaren ikuskizuna da".
22:30ean, Afrikako dantzak erakutsiko dituzte Ugandan Sticks eta Tambores de Ruanda taldeek.
Larunbatean, hilak 8, Mubajito taldeak 80ko hamarkadako popa joko du (20:30), eta 22:30ean Michael Legend hasiko da, Michael Jacksonen omenezko emanaldia.
Zure interesekoa izan daiteke
Ruben Bladesek Gasteiz liluratu du, salsa, emozioa eta konpromiso soziala uztartu dituen hiru orduko emanaldiarekin
Panamako artistak, Roberto Delgado Big Band taldea izan du lagun oholtzan. Ia hiru orduko kontzertua eskaini du, eta bere abesti ezagunak eta gizarte-konpromisoari lotutako mezuak uztartu ditu.
Sun Ra Arkestraren izpiek Gasteiz argitu dute
Estatubatuar talde beteranoak publikoa ase du bart Gasteizko jazz jaialdian, Mendizorrotzan.
Take 6 ahots taldeak Mendizorrotzako kontzertuak abiatu ditu, Gasteizko jazz jaialdian
Gretchen Parlatok eta Take 6 ahots seikoteak osatu dute Gasteizko Jazz Jaialdiko Mendizorrotzako kontzertuen lehen gaueko kartela. Larunbatera arte entzungo da jazza Arabako hiriburuan.
Niko Etxart “euskal rock n’ roll”aren aitzindariari gorazarre
Zuberotar kantautoreak hitzordu bikoitza du publikoarekin: azaroaren 21ean, Getxon, eta azaroaren 28an, Donibane Lohizunen. Bere ibilbideko kantu esanguratsuenak, Zuberoako kantu tradizionalak eta hainbat kolaborazio entzun ahalko dira emanaldiotan, eta ETBk Getxokoa filmatuko du.
XVIII. mendeko meza bat eta Carlos Menaren itzulera eskainiko ditu Arabako Antzinako Musika Asteak
Musika jaialdiaren 44. edizioa, Iruña Okako Santa Katalina lorategira eta Andetxara ere iritsiko da, Gasteizera ez ezik.
Bilbao BBK Live jaialdiak amaiera borobila eman dio bere 20. urteurrenaren ospakizunari
Bilbao BBK Live jaialdiak amaiera borobila eman dio bere 20. urteurrenaren ospakizunari, hiru egunetan Kobetamendi belaunaldien, kulturen eta musika ulertzeko moduen arteko topagune bihurtu ondoren. 112.500 pertsonak baino gehiagok gozatu dute aurtengo programazioaz, aniztasun artistikoak eta hiriaren zein naturaren arteko loturak sendotuz. Jaialdiak nazioarteko izaera baieztatu du, Bilborekin eta hurbileko talentuarekin duten lotura estua galdu gabe.
Arde Bogotak Kobetamendi girotu du, iragarri gabeko agerraldi batekin BBK Live jaialdian
Talde murtziarra Kobetamendiko agertoki nagusira igo da larunbat arratsaldean, BBK Live jaialdiaren unerik gogoangarrienetako batean. 'Bigger Splash' abesti berriaren izenpean iragarrita, taldea ia oharkabean igaro da karteletan.
Robbie Williamsek poparen errege izaten jarraitzen duela erakutsi du BBK Liven
Kantari britainiarrak Kobetamendin aurkeztu du bere azken lana, pop festa handi batean, musika, umorea, nostalgia eta futbola uztartuz. Horrela, Williamsek BBK Liven erakutsi du poparen erregea izaten jarraitzen duela.
Robbie Williams zain da Kobetamendin
Britainiar musikariarena da jaialdiko bigarren jardunaldiko izen nagusia, baina beste artista eta talde interesgarri asko egongo dira gaur Bilbao BBK Liveko agertokietan: Marte Lasarte, La M.O.D.A., Alabama Shakes, Belle and Sebastian, Tomora, Soulwax…
Abian da 2026ko BBK Live jaialdia!
Gaur, uztailak 9, hasi da jaialdia Bilboko Kobetamendi parkean, eta uztailaren 11ra arte luzatuko da. Aurten 20. urteurren berezia ospatzen du topaketak, eta nazioarteko zein etxeko artistak bilduko ditu hiru egunetan zehar. Kobetamendiko eszenatokietan Robbie Williams, Calvin Harris, Lily Allen eta Interpol bezalako izen handiak arituko dira, Aimarz edo Gar bezalako euskal taldeekin eta tokiko talentuarekin batera, giro paregabean.