"Berpiztu", Kepa Junkeraren ibilbidea iruditan jasotzen duen liburua
Kepa Junkera trikitilari bizkaitarrak bere ibilbide profesionala iruditan jasotzen duen liburua plazaratu du, "Berpiztu" izenburupean. Musikari gisa lehen urratsak eman zituenetik 2018ra arteko bidea —iktus baten ondorioz oholtza utzi behar izan zuenera artekoa— azaltzen da lanean.
Gaur egin dute liburuaren aurkezpena Bilbon, Arte Ederren Museoan, eta etxekoak, lagunak, erakundeetako ordezkariak eta obran parte hartu duten hainbat artista izan ditu alboan Junkerak. Hala nola, ekitaldian izan dira Juan Maria Aburto Bilboko alkatea, Miguel Zugaza Arte Ederren Museoko zuzendaria, Alberto Palomera margolaria eta Xabier Amuriza bertsolaria. Zugazak azaldu duenez, "musikari bikain baten atzera begirakoa" da liburua, non trikitilariaren "disko bakoitza berpizten den". "Keparen erretratu osoa da, musikari bati buruzko liburua arte plastikoetatik", gehitu du.
Joseba Martin kazetariak eta musikan adituak egin du dokumentazio lana. Haren hitzetan, Junkeraren ibilbide osoa ikus eta senti daiteke liburuan, trikitilariaren musikan oinarrituta sortutako irudien bidez.
Orotara, 400 irudi bildu dituzte, 250 orrialdeko liburuan. Irudiekin batera, testuek eta partiturek osatzen dute lana.
Aurkezpenean, Palomera margolariak jarri die ahotsa Junkeraren hitzei. Ohikoa duen umorearekin, bere lagunei, senitartekoei eta liburuaren sortze prozesuan bidaide izan dituenei eskerrak eman dizkie trikitilariak. Asteon abiatuko den Durangoko Azokan egongo da salgai lana.
Joan den irailean, EITB Mediak "Kepa Junkera. Berpiztu" dokumentala aurrestreinatu zuen Zinemaldian.
Zure interesekoa izan daiteke
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.
Neomak taldea, Arriagan zuzenean
"Lazturak orbain" diskoko aurkezpen bira Bilboko antzokira eraman du taldeak bart. Kantu berriez gain, bestelako abestiak ere utzi zituen gaualdiak, hala nola "Kontu zaharrak".
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.