Jaialdiak barra-barra, asteburuan
Uda gero eta gertuago dago, eta musika festibalak batu zaizkie herriko jaietako kontzertuei eta aretoetako programazioari musika agendetan. Asteburu honetan, hilak 9, 10 eta 11, berbarako, hainbat jaialdi izango dira Euskal Herrian.
Ostiralean hasita eta larunbatean ere, Bergarak Ekinez nagusiki punk rockeko jaialdia hartuko du Labegaraieta kiroldegiaren inguruan. 3.000 lagunen aurrean, 28 talde eta bakarlarik aurkeztuko dituzte beren proposamenak bi egunez: Skabidean, Brigade Loco, Tatxers, Hofe X 4:40 eta Biznaga madrildarrak, besteak beste, ostiralean; eta Brigada Criminal, Kaleko Urdangak, La Furia, Sofokaos, Against You eta beste asko larunbatean.
Bi eguneko proposamena prestatu du, halaber, Azkena Rock Festivalek, Gasteizko jaialdia egin (hilak 15, 16 eta 17) baino astebete lehenago. Ostiralean, Artziniegan, Moonshine Wagon arabar taldeak eta Micky and The Buzz rock klasikoko boskoteak joko dute, eta larunbatean, Laudion, Los Brazos bilbotarrek, Xuorum punk rock talde arabarrak eta Dr. Lawson laudioarrek.
Jaialdi handiei dagokienez, Bilbao BBK Livek (Kobetamendi, uztailak 6-8) ere bere eskaintzaren lagin bat erakutsiko du larunbatean, hilak 10, Mungian. Egun osoan zehar, agertoki gainetan izango dira Alai, Ana Curra, Ben Yart, Bengo, Ezezez, Ezpalak, Goxua'n Salsa, Lendakaris Muertos, Potato, Sex Museum…
Lapurdin, Ziburun, Xaltaian Best egingo dute asteburuan. Ostiralean, Zortzi eta Ixabe taldeek zein Deabru Beltzak perkusio eta antzerki taldeak osatuko dute egitaraua; larunbatean, frontoiko plazan, Gatibu taldea izango da buru, eta horiekin batera izango dira Honky Tonky hirukoa eta Kraft.
Bizkaian bertan, Ugaon, Sarea Festek musikaz zipriztinduko du Ugao larunbatean. Herriko hainbat tabernatan, Joni Txintxes eta Billy Ladilla, Pasadenako Libe eta Jon, The Dolphiners, Erruki Jauna eta The Pushermen izango dira.
Larunbatean bertan, Andoaingo Rock Jaialdia egingo dute Gipuzkoako udalerrian, hamabosgarrenez. Black Lips estatubatuarrak dira kartelburuak, eta beraiekin batera arituko dira The Schizophonics, The Giant Robots, The Courettes, Chocolat Billy eta Nize Nafarroa plazan. Lehenago, eguerdiko saioetan, Arima, Siglas eta Krin taldeen kontzertuak egongo dira Zumea plazan, Plaza Morean eta Goikoplazan.
Nafarroan, Estaciones Sonoras jaialdiak Entorno Sonoro eguna ospatuko du, Cascanten, eta Anne Lukinek kontzertu akustikoa eskainiko du eguerdian. Gero, 19:00etatik aurrera, Koloretan "kultura aniztasunaren festibala" hartuko du Zentral aretoak, Goxuan Salsa, Bruno y Lorena, Kabia Djs eta Afrikans daudela kartelean.
Asteburua ixteko, Araba Euskaraz hartuko du Olarizuk, Lautada ikastolaren alde, eta bertan joko dute STR, Kerobia, Akerbeltz, Trikidantz, Skabidean eta Ttek! taldeek.
Zure interesekoa izan daiteke
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.