Arrasate, punkaren epizentroa
Distortsioa, eztarria urratu beharrean kantatzeko leloak eta atsegin ez dena salatzeko hitzak barra-barra entzungo dira asteburuan Arrasaten. Mondra & Roll jaialdiaren hirugarren edizioak erruz proposatuko ditu punk, rock, oi! eta hardcore doinuak ostiral-larunbatetan, hilak 5 eta 6.
Mondra & Rollen hirugarren edizioa 18:20an irekiko du Larru Beltzak taldeak, eta ordu goiztiarra gorabehera publikoak eskertuko duen euskal punk rockaren hiruko dotore batek hartuko dio lekukoari oñatiar boskoteari: Arene 6k, Kaleko Urdangakek eta Brigade Locok.
Ondoren, Madballek, New Yorkeko hardcorearen (Agnostic Front, Cro-Mags, Sick of it All) bigarren belaunaldiko talde nagusietako batek, ohikoak dituen indar erakustaldietako bat egingo du, seguru asko, 22:30etik aurrera, Arrasateko agertokian, eta Sham 69 beteranoen txanda iritsiko da hurrena. Roy Ellisek itxiko du Mondra & Roll jaialdiko lehen gaualdia.
Larunbata
Bigarren jardunaldiko egitaraua Kontralde arrastear talde gazteak irekiko du, 18:20an, eta ondoren etorriko dira The Chisel (19:15), Bad Nerves rock-and-roll azkarra eta popa nahasten dituen britainiar taldea, High Vis eta The Baboon Show suediarrak (22:30), Euskal Herrian bigarren etxea eta publikoaren faborea aurkitu dituen taldea.
Gauerdian, Cock Sparrer punk rockaren eta oi!-aren mitoak ikusteko ordua iritsiko da. 1972an Londresen sortutako taldeak berrogeita hamar urtean zehar bildutako kantu klasikoak eta Hand On Heart aurten, hasi eta 50 urtera, argitaratutako disko azpimarragarrikoak joko ditu. Jarraian, Les Testarudes kataluniar taldeak itxiko du jaialdia.
Bi eguneko bonuaren prezioa 79,75 eurokoa da, eta eguneko sarrerena 38,5 (ostirala) eta 49.5ekoa (larunbata). 12 urtetik beherakoak doan sartu ahal izango dira.
Atariko elektronikoa
Mondra & Roll hasteko bezperan, ostegunean (hilak 4), Egurhotza jaialdia egingo dute Monterron jarritako azpiegitura baliatuta. 17:00etan hasita gauerdira arte, agertoki gainean izango dira Mutiko, Etxepe, Ebano, J Martina, Judeline eta Tatta & Denso.
Sarrerak salgai daude 30,25 euroan.
Zure interesekoa izan daiteke
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.
Madonna, Shakira, Ronaldinho edo Ronaldo Nazario, izar nagusiak Super Bowl kutsuko Munduko Kopako finalean
Justin Bieberrek Everyyhing Hallejujah interpretatu zuten, gitarraz lagunduta. Harmailetan beste izar batzuk zeuden; hala nola Beyonce, Dua Lipa, Rihanna, Timothée Chalamet eta Matt Damon.
The Bad Plus taldeak bere agur-birako azken kontzertuetako bat eskaini du Gasteizko Jazzaldian
The Bad Plus taldeak Gasteizko Jazzaldian eskaini zuen bere agur-birako azken kontzertuetako bat. Talde estatubatuarra 26 urte, 16 disko eta milaka emanaldiren ibilbideari amaiera ematean ari da, eta jaialdiaren 49. edizioko azken eguneko hitzordu hunkigarrienetako baten protagonista izan zen. Giant eta Anthem for the Earnest kantek Mendizorrotzako publikoa hunkitu zuten.