Fin del Mundo, Hidrogenesse, Pinpilinpussies eta Mirua, Glad is the Day jaialdian
Doako jaialdiaren bederatzigarren edizioa abuztuaren 3an egingo dute Donostian, Cristina Enea parkean.
Fin del Mundo argentinar taldea, Hidrogenesse bartzelonar bikoak, Pinpilinpussies euskal-kataluniar bikoak eta Miruak, Miruenea diskoa aurkeztuko duen tolosar taldeak, joko dute, besteak beste, abuztuaren 3an Donostian, Glad Is The Day Cristina Enea parkean egiten den jaialdiaren bederatzigarren edizioan. Sarrera librea izango da.
Aurten, berritasun gisa, haurrentzako jarduerak egingo dituzte Tabakalera Kultura Garaikidearen Nazioarteko Zentroaren kanpoaldeko Andre Zigarrogileen plazan eta, ohi bezala, 50 saltokiko azoka egongo da. Egiako kultur etxeak eta Dabadaba eta Le Bukowski aretoek antolatzen dute jaialdia, Tabakaleran eta Kutxa Fundazioaren laguntzarekin eta Kelerren babesarekin.
Bederatzigarren edizio honetan, 15 taldek baino gehiagok joko dute 12:00etan hasi eta 21:00ak arte.
Guztira, zazpi taldek joko dute Eszenatoki Nagusian: Hidrogenesseren pop elektroniko kontzeptuala, Pinpilinpussiesen garage-pop postpunka, Argentinako Fin del Mundoren indie shoegazea, Miruaren pop esperimentala, Peachy Jokeren rock energia eta OEPren izaera festazalea”.
Hondamen Sonikoa eremuan, klubarekin eta soinu elektronikoenekin lotutako 8 emanaldi izango dira: Linapary, Simona, Scientist, Miravalles, Infanta, Tronis, Puñales B2B, LaMia Mari eta Putas Amak.
Zure interesekoa izan daiteke
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.
Madonna, Shakira, Ronaldinho edo Ronaldo Nazario, izar nagusiak Super Bowl kutsuko Munduko Kopako finalean
Justin Bieberrek Everyyhing Hallejujah interpretatu zuten, gitarraz lagunduta. Harmailetan beste izar batzuk zeuden; hala nola Beyonce, Dua Lipa, Rihanna, Timothée Chalamet eta Matt Damon.