Jeff Tweedy, Anastacia eta Steven Isserlis txelista, Kursaalen 2026an
Jeff Tweedy Wilcoko buruaren bakarkako emanaldia da Kursaal Eszenaren datorren urteko programazioaren hitzordu nagusietakoa; horrez gain, Yuha Wang, Anastacia abeslaria, Ryan Adams, Rodrigo Cuevas eta Euskal Herriko Orkestra Barrokoa ere arituko dira Donostiako espazioan.
Jeff Tweedy Donostian izango da otsailaren 10ean. Argazkia: Sammy Tweedy.
Jeff Tweedy Wilco taldeko gidaria, Anastacia pop izarra eta Estrella Morente dira Kursaal Eszena programak Donostiara ekarriko dituen izen handietako batzuk; urtarrilaren 3an hasiko da Donostiako entzunaretoko programazioa, Nøgen taldeak hamar urteko ibilbidea bete duela ospatzeko antolatu duen emanaldiarekin.
Datorren urteko kontzertuen egitarauan egongo dira, halaber, Yuja Wang txinatar pianista ospetsua, urtarrilaren 16an musika klasikoko eskaintza abiatzeko arduraduna, eta Anastacia pop izar ospetsua. Urriaren 22ak eramango du Gipuzkoako hiriburura #NTKTour birak Anastacia, bere kantu ezagunenak kantatzeko.
Jeff Tweedyk otsailaren 10ean aurkeztuko du bakarkako bere lan berriena, "Twilight Override" pandemiaren garaiari buruzko hausnarketak biltzen dituen hiru diskoko lana.
Estrella Morentek hartuko du kontzertuen lekukoa Kursaalen, otsailaren 19an, eta haren atzetik etorriko dira Grison telebistako kolaboratzailea (martxoak 13), Ryan Adams (apirilak 13), La La Love You (martxoak 16) eta Rodrigo Cuevas (maiatzak 17).
Musika klasikoari dagokionez, urtarrilaren 16an hasiko da programazioa; Yuja Wangek Ligetiren Kontzertua, Chopinen 1 zenbakiko Kontzertua eta Stravinskyren eta Mozarten orkestrarako piezak joko ditu Mahler Chamber Orchestrarekin batera.
Euskal Herriko Orkestra Barrokoak garai hartako aria eta dantzak eskainiko ditu otsailaren 28an, apirilaren 12an Tolosako Kapitolioko Opera Nazionalak Sémiramis / Don Juan balleta taularatuko du, eta maiatzaren 24an Steve Isserlis britainiar biolontxelo-jotzaileak Arriagaren op.20 Obertura, bilbotar musikariaren heriotzaren bigarren mendeurrenean, eta Haydnen eta Beethovenen lanak joko ditu, English Chamber Orchestra lagun.
Urriaren 27an, Piotr Anderszewski poloniar pianistak Bachen 1 zenbakiko Partitura, eta Bartoken eta Brahmsen piezak interpretatuko ditu, eta azaroaren 17an urteko bigarren balleta izango da, La mer Scapino Ballet Rotterdamena.
Urtea Kursaal Eszenaren ohiko eskaintza batek itxiko du: Bachen Gabon Oratorioa, Collegium Vocale Gentek interpretatuta oraingoan.
Zure interesekoa izan daiteke
Olaia Inziartek "Gereziak" grabatu du, BOSekin batera
Nafar musikariak "Lehengo lepotikan burua" diskoko kantua grabatu du gaur goizean Bilbao Orkestra Sinfonikoko musikariekin batera, Fernando Velazquezen gidaritzapean. Ura Bere Bidean kontzertuan parte hartuko du urriaren 22, 23 eta 24an.
Pantxoak eta Peiok jaso dute aurtengo Adarra saria, Donostiako Victoria Eugenian
Epaimahaiaren arabera, Pantxoak eta Peiok 60ko hamarkadatik gaur arte “kantuaren plazera” gozarazi diete hainbat belaunaldiri, interpretazio zainduak, melodia kantagarriak eta konpromiso soziala uztartuta. Saritutako bikoteak emanaldia egin du saria jaso eta gero.
Zetak taldeak hiru egun iragarri ditu Gasteizen "Km0" ikusteko: urtarrilaren 16a, 22a eta 23a, Buesa Arenan
Iragarpenak ikusmin handia piztu du taldearen jarraitzaileen artean, eta Zetaken ibilbidean etapa berri bati hasiera emango dion proiektuari buruzko informazio gehiago jasotzeko zain daude. Sarrerak igande eguerdian jarri dituzte salgai.
Guztira 270.000 ikuslek egin zuten bat ETB2n eta ETB ONen San Mameseko "Mitoaroa III" ikuskizun historikoarekin
Mitoaroa trilogiaren amaierako kontzertu handia ikusgai dago ETB ONen eta PRIMERANen, berriro ikusi nahi dutenentzat edo zuzenekoa galdu zutenentzat.
Zetak taldeak 'Km0' ikuskizun berria eskainiko du urtarrilaren 23an Buesa Arenan
Sarrerak eguerdian jarri dituzte salgai, eta ikuskizun berriak ikusmin handia piztu du jarraitzaileen artean, informazio gehiago jasotzeko zain baitaude. Proiektu horrek etapa berri bat abiatuko du taldearen ibilbidean.
'Mitoaroa III' ikuskizunarekin San Mames lehertu ondoren, hurrengo proiektuari begira jarri da Zetak: 'Km0'
Ekaitzak emanaldiaren hasiera ordubete atzeratu arren, Mitoaroa III ikuskizunak, bigarren egunez jarraian, aho zabalik utzi ditu bart 40.000 zale San Mamesen. Erresistentziaren eta herri nortasunaren aldeko aldarrikapenekin, amaitutzat eman du trilogia Pello Reparazek. Ikuskizuna osorik dago ikusgai ETB ONen.
Zetakek beste ikuskizun bat iragarri du 2027ko urtarrilerako, eta sarrerak 12:00etan jarriko dituzte salgai
Mitoaroa III kontzertua ETBOnen ikus daiteke berriz osorik. Proiektu berriak "Km0" izena du, eta urtarrilean iritsiko da. Ez dute jakinarazi emanaldia non izango den, baita zer nolako ezaugarriak izango dituen ere. 12:00etan amaitzen da zetakkmzero.eus webgunean jarri duten atzera kontaketa: orduan argituko da misterioa.
1998an Rolling Stones taldeak bertan behera utzi zuen San Mameseko kontzertua
San Mames gau historiko baterako prest zegoen 1998ko ekainaren 18an, baina Rolling Stones taldeak kontzertua eman behar zuen egun berean bertan behera utzi zuen azken orduan, Mick Jaggerren laringitis baten eraginez. 2003an itzuli ziren, eta San Mames bete eta ikuskizun handia eskaini zuten.
?fmt=webp-alpha&qlt=80)
Zetakek erresistentziaren, oroimenaren eta irudimenaren gotorleku bilakatu du San Mames
2084an kokatutako distopia futurista baten bidez, musika, antzerkia, ikus-entzunezkoak eta performancea uztartu zituen bart Zetak taldeak San Mamesen, 40.000 ikusleren aurrean. Une hunkigarrienetakoa Jose Angel Iribarrek eta Inaxio Kortabarriak estadioko pasabide nagusia zeharkatu zutenekoa izan zen, ikurrina eta Nafarroako bandera eskuetan hartuta, 1976ko Atotxako desobedientzia-ekintza gogora ekarriz.
'Mitoaroa III', ikusmin handia ikusleen artean
Milaka lagun hurbildu dira San Mamesera Zetak taldeak prestatu duen ikuskizunaz gozatzeko. Guztira, 80.000 lagunek gozatuko dute “Mitoaroa III” esperientzia bereziaz.