François Ozonen 'Etxean' filmak Urrezko Maskorra irabazi du
François Ozon frantziarraren Etxean filmak film onenaren Urrezko Maskorra eskuratu du Zinemaldiko 60. edizioan. Gainera, gidoi onenaren Epaimahaiaren Saria ere eman diote Ozoni.
Oldarkorra azaldu da Ozon saria jasotzean. "Krisi garaietan ezin diogu kulturari eraso egin, ideia okerra da", salatu du zinemagileak, "horrela ez garelako krisitik aterako. Zinemarekiko amodioaz eta zinemaren beharraz hitz egiten du pelikula honek, munduak zinema espainiarra ere behar du".
Irakasle baten eta bere ikaslearen arteko joko intelektual batean oinarritutako Etxean filmak FIPRESCI saria irabazi zuen jada Toronton. Oraingoan, Donostian, publikoaren eta epaimahaiaren oniritzia ere lortu du.
Gaurko kinieletan faboritoa zen beste filmak, Pablo Bergerren Edurnezuri, epaimahaiaren Aipamen Berezia eta emakumezko onenaren Zilarrezko Maskorra (Macarena Garcia aktorearentzat) jaso ditu.
Halaber, Fernando Trueba zinemagileak zuzendari onenaren Zilarrezko Maskorra irabazi du Artista eta modeloa filmagatik. "Zinema artea eta kultura da, eta dirudienez, batzuei hau ahaztu egiten zaie", azpimarratu du Truebak saria jaso duenean. "Gora zinema askea!", esan du oihu batez oholtzatik irtetzean.
Irabazleen zerrenda osoa
-Film onenaren Urrezko Maskorra: Etxean (François Ozon)
-Zuzendari onenaren Urrezko Maskorra: Fernando Trueba (Artista eta modeloa)
-Emakumezko aktore onenaren Zilarrezko Maskorra: Macarena Garcia eta Katie Coseni
-Gizonezko aktore onenaren Zilarrezko Maskorra: Jose Sacristan
-Argazkilaritza onenaren Epaimahaiaren saria: Touraj Aslani (Fasle Kardagan)
-Gidoi onenaren Epaimahaiaren saria: Etxean (François Ozon)
-Epaimahaiaren sai berezia: Edurnezuri (Pablo Berger)
-Kutxa-Zuzendari berriak saria: Txakur Haragia
-Horizontes saria: Azken Elvis
-SGAE-Autore Fundazioaren Publikoaren saria: The Sessions (Ben Lewis, AEB)
-Fipresci saria: Hildakoa eta zoriontsu izatea (Javier Rebollo)
-Signis saria: Arrantzarako egunak (Carlos Sorin)
- Euskaltel Gazteariaren saria: 7 kutxa (Juan Carlos Maneglia eta Tana Schembori, Paraguay)
-TVE-Beste begirada saria: Peamin/Six acts' (Jonathan Gurfinkel, Israel). Aipamen berezia: Atentatua (Ziad Doueiri, Libano-Frantzia-Qatar-Belgika)
-Zinema Eraikitzen saria: Gloria (Sebastian Lelio, Txile), Tanta agua (Ana Guevara y Leticia Jorge, Uruguay-Mexiko-Holanda)
-Zinema Mugimenduan saria: Le veau d´Or (Frantzia-Maroko), Moug (Egipto-Maroko)
-Premio "Zerbitzu Saria": Pura Vida
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.