Pablo Malo: 'Zintzotasunez egin dugu 'Lasa eta Zabala''
Pablo Malo “Lasa eta Zabala” gaur Donostiako 62. Zinemaldiko Sail Ofizialean lehiaketatik kanpo aurkeztu duten filmaren zuzendariaren iritziz, “publikoa aretotik hau guztia gertatu behar ez zela pentsatuz irteten bada, pelikulak mereziko du”.
Kazetari andana bat bildu duen prentsaurrekoan, Unax Ugalde, Frances Orella eta gainerako aktoreak, Joxe Portela ekoizlea eta Joanes Urkixo gidoilaria aldean zituela, Pablo Malo donostiar zuzendariak esku artean langai “oso labaina” zuen jakitun zela esan du, eta batik bat Euskal Herrian pelikula zehatz-mehatz aztertuko zutela bazekiela erantsi du. Joxean Portela gidoilariak "‘Lasa eta Zabala” zuzentzea eskaini zionenean jendeak doluminak ematen zizkidan”, esan du.
Donostiar zinemagilearen hitzetan, “zintzotasunez eginiko filma da ‘Lasa eta Zabala’”, eta “beti egongo naiz txarto pasatzen ari denaren ondoan”. Horren ildotik, filma “onen eta gaiztoen” istorioa ez dela esan du, baizik eta “basakeria bat egin zuten pertsonaia batzuen inguruko pelikula”.
Halaber, Guardia Zibilaren karikaturarik egin ez duela adierazi du: “Sumarioan bertan dagoen informazioarekin gauza larriagoak jarri genitzakeen. Haien inguruan kontatu dizkiguten hainbat gauza ez ditugu gidoian jarri, errealak izanagatik sinesgaitzak baitira, esperpentikoak”, baieztatu du Malok.
Malo abokatuaren pertsonaiaz ere mintzatu da, kazetarien galderei erantzunez: “Ez da benetako Iñigo Iruin”. Unax Ugaldek, legegizona gorpuzten duen aktoreak, azaldu duenez, Iruin izan du ardatz, harengan inspiratu da, pertsonaia sortzeko, eta harekin Lasaren eta Zabalaren prozesuaz hitz egin zuen. Halaber, Iruinek emaitzarekin “oso pozik” dagoela esan dio.
Zure interesekoa izan daiteke
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.