'Psiconautas' 26 aukeratuen artean, Oscar sarietan hautagaia izateko

'Psiconautas, los niños olvidados' Oscar sarietan animazio film luzerik onenaren saria jasotzeko hautagaia izateko 26 pelikula aukeratuen artean dago, Euskal Produktoreen Elkarteak jakitera eman duenez.

Alberto Vazquezen lankidetzarekin, Pedro Rivero euskal herritarrak idatzi eta zuzendutako filmak animaziorik onenaren Goya saria irabazi zuen.

Era berean, zinema iberoamerikarreko Platino Saria lortu zuen; EAA Europako animazio elkartearen bi sari eta Imaginaria Italiako jaialdian beste sari bat eskuratu zuen. Gainera, Europako Zinema Akademiaren saria jasotzeko izendatu zuten 2016an.

Filma abenduan estreinatuko dute Ameriketako Estatu Batuetan, ingelesera itzulita, Oscarretan aukera gehiago izateko.