Mentore prestigiodunek bana-banako laguntza emango diete euskal emakume zinemagileei
Eusko Jaurlaritzako Kultura eta Hizkuntza Politika Sailak eta Zineuskadik Noka Mentoring aurkeztu dute gaur, euskal emakume zinemagileen pisua eta ikusgaitasuna ikus-entzunezko sektorean indartu nahi duen formazio eta laguntza programa berri bat.
Emakumeei zinema-proiektuen garapenaren beren lehen esperientzietan laguntzeko, laguntza pertsonalizatuko programa berri bat jarriko dute abian: hiru film luzeren proiektuak hautatuko dituzte, eta, urtebetez, 12 mentoreren bidez (Anahí Berneri zuzendari eta ekoizle argentinarra, Itziar García Zubiri ekoizlea eta Garbiñe Ortega Punto de Vista jaialdiko zuzendaria, besteak beste), formazioa eta aholkuak eskainiko dizkiete horien arduradunei. Babes hori eskainiko duten mentoreak nazioarteko zinemagintza industrian aukeratuko dituzte, "euren prestigioa eta ibilbideagatik".
Ekimena gaur goizean aurkeztu dute, Azkuna Zentroan, Zinemakumeak Gara! emakumeek zuzendutako zinema topaketaren barruan.
"Emakumeen presentzia ikus-entzunezkoaren sektorean gizonezkoaren azpitik dago, era argian gainera. Elkartzeko gune irekiak eskaini nahi dizkiegu emakume zinegileei, ibilbide azpimarragarria duten mentoreengandik ikas dezaten, beren formazioa, ezagutza, esperientzia eta kontaktu-sarea hobetuz", azaldu du Joxean Muñoz Eusko Jaurlaritzako Kultura sailburuordea.
Deialdia zabalik, gaurdanik
Gaur bertan ireki dute proiektuak aurkezteko epea, eta abenduaren 14an itxiko dute. Deialdiaren xehetasunak Zineuskadiren webgunean aurkituko dituzte interesdunek.
Proiektuak hautatuko dituen batzordeko kideak hauek izango dira: Maialen Beloki (Donostia Zinemaldia), Pau Guillén (Zinegoak) eta konfirmatu behar den beste bat, baita Zineuskadiko Jara Ayucar ere.
Emakume zinemagileak Araban, Bizkaian eta Gipuzkoan
Joxean Muñoz sailburuordeak adierazi duenez, 2016an Kultura Behatokiak emakumeak sektorean duen pisuaren inguruan plazaratu zituen datuak ezagutu ondoren sortu zen proiektua martxan jartzeko ideia.
Azterlan horrek jaso zuenez, formazio espezializatuan matrikulatzen direnen % 60 emakumeak badira ere, zuzendarien % 30 baino ez dira emakumeak, eta, bestetik, zinema-gidoiak lantzeko Eusko Jaurlaritzaren diru-laguntzetara aurkezten diren profesionalen % 19,7 baino ez dira emakumeak. Halaber, emakumeak ikus-entzunezko enpresetako profesionalen % 40,5 badira ere, % 25 baino ez dira ardura handiko lanpostuetan.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.