Bikoiztaileek ez dute film gehiagorik bikoiztuko Zinema Euskaraz programarako
Bikoiztaile Euskaldunen Elkarteak uko egin dio Zinema Euskaraz programako haurrentzako filmak bikoizteari. Lanaren egonkortasuna eta baldintzak hobetzea eskatzen dio elkarteak Jaurlaritzari, “euskarazko bikoizketa profesionala desagertzera doalako bestela”. Kultura Sailetik onartu dute arazo bat badagoela, baina konponbide zaila ikusten diote auziari, Euskadi Irratiak jakinarazi duenez.
Gaur zortzi estreinatuko da Dragoi Bola filma, Lego 2 iritsiko da gero aretoetara, eta hori izango da Zinema Euskaraz programaren barruan euskaraz bikoiztuta estreinatuko den haurrentzako azken filma. Hortik aurrera, ez dago jakiterik Zinema Euskaraz programari eutsiko ote zaion, Bikoiztaile Euskaldunen Elkarteak, Bieusek, planto egin duelako.
Xabier Alkiza Bieuse elkarteko kideak salatu du azken urte hauetan bikoiztaileen lana erabat prekarizatu dela hemen, erakunde publikoek prezioak % 35 jaitsi dituztela azken sei urteetan eta euskarazko lanak laurden batera murriztu direla tarte horretan. Ezinbesteko jotzen dute, hortaz, lanaren bolumena handitzea, euskaraz lan egiteko profesionalak izango badira.
Une honetan, Zinema Euskaraz programaren baitan, urteko 12 film bikoizteko konpromisoa hartua dauka Eusko Jaurlaritzak, haur eta gaztetxoentzat. Izan ere, Kultura Sailak haurrentzako bikoizketari ikusten dio zentzua; helduentzako ikus-entzunezkoetan, jatorrizko bertsioari eutsi eta euskaraz azpidaztearen alde egin izan du.
Bieuse elkartearen datuen arabera, gaur egun 70 bikoiztaile profesional inguru daude sektorean, eta horietatik 40 dira elebidunak.
Elkarteak hautsitzat ditu harremanak Kultura Sailarekin, eta, Jaurlaritzak Euskadi Irratiari esan dionez, ezin dute profesional horiek eskatzen duten egonkortasuna bermatu.
Azken bilera akordiorik gabe amaitu zela adierazi dute, eta arazo bat badagoela aitortu. Ahaleginean jarraitzeko borondatea badutela gaineratu dute, baina konponbidea zaila dela ezkutatu gabe.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta gero herriz herri erakutsiko da: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.