'La trinchera infinita' filmak 15 izendapen lortu ditu Goya sarietarako
Jose Mari Goenaga, Jon Garaño eta Aitor Arregi euskaldunen La trinchera infinita filmak 15 izendapen lortu ditu urtarrilaren 25ean Malagan egingo den Goya sarien 34. edizioan, horien artean pelikula onenarena. Drama honetan EiTBk parte hartu du. Guztira, EiTBren parte-hartzea izan duten bost pelikulek Goya sarietarako 27 izendapen lortu dituzte.
Alejandro Amenabarren Mientras dure la guerra (17 izendapen) eta Pedro Almodovarren Dolor y gloria (16 izendapen) dira izendapen gehien dituztenak.
Elena Anaya eta Miguel Herran aktoreek 28 kategorietako finalisten zerrenda azaldu dute Zinema Akademiaren egoitzan egindako ekitaldi batean.
Berdintasunak berdintasun baina (lau filmak uztartzen dituzten irizpide tekniko eta tematikoak agerikoak dira film berrian ere), La trinchera infinita dramak hainbat aldaketa erakusten ditu aurreko lanen aldean: Andaluzian filmatu dute, gaztelaniaz, Antonio de la Torre eta Belen Cuesta aktore ezagunekin.
EiTBren parte-hartzea duen Lo que arde Oliver Laxek zuzendutako filmak lau izendapen lortu ditu: pelikula onena, zuzendaritza onena, emakumezko errebelazio aktore onena eta argazki-zuzendaritza onena.
Karra Elejalde aktore onenaren saria jasotzeko izendatu dute. Lehia horretan izango dira, halaber, Antonio de Torre (La trinchera infinita), Antonio Banderas (Almodovar) eta Luis Tosar (Quien a hierro mata).
Antzeztaldeko aktoreari dagokionez, Asier Etxeandia eta Leonardo Sbaraglia elkarrekin lehiatuko dira film berarekin, Dolor eta gloria, eta baita Luis Callejorekin (Intemperie) eta Eduard Fernandezekin (Mientras dure la guerra) ere.
Aritz Morenok eta Galder Gaztelu-Urrutiak, berriz, zuzendaritza berri onenaren sarirako izendatu dituzte, Ventajas de viajar en tren eta El hoyo filmengatik, hurrenez hurren.
Azkenik, Elcanok eta Magallanesek munduari eman zioten birari buruzko pelikulak, Elcano y Magallanes, la primera vuelta al mundo-k, animazio film onenaren izendapena jaso du.
Gala urtarrilaren 25ean izango da Malagako Jose Maria Martin Carpena Kirol Jauregian; Andreu Buenafuentek eta Silvia Abrilek aurkeztuko dute berriro. Oraingoz, sari seguru bakarra Ohorezko Goya saria da, Pepa Floresi (Marisol) emango diotena.
Zure interesekoa izan daiteke
"Las hijas" saritu dute Cannesen
Yune Nogueiras protagonista duen eta antzeztaldean Jone Laspiur, Edurne Azkarate, Ainara Elejalde, Ainhoa Larrañaga eta Nerea Sanz euskal aktoreak dituen euskal film luzeak saria eskuratu du Frantziako jaialdiko Marché du Film merkatuan.
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.