Txostena
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Zinema industriako genero arrakala neurtu du Donostiako Zinemaldiak

Azken edizioko filmetako profesionalen genero identifikazioari buruzko txosten bat argitaratu du jaialdiak. Parte hartu zutenen % 70 gizonezkoak izan ziren.
Zinemaldiko Urrezko Maskorra
Zinemaldiko Urrezko Maskorra
author image

eitb.eus

Azken eguneratzea

Donostiako iazko Zinemaldian zuzendaritza, produkzio, gidoi, muntaketa, argazki eta musikako kategorietan parte hartu zuten profesionalen % 70 gizonezkoak ziren eta % 30 emakumezkoak, bai inskribatutako filmetan, bai azkenean zinema jaialdiak hautatutakoetan. 

Txosten honek agerian uzten duenez, emakumeek zailtasun handiagoa dute zinema industrian irauteko sartzeko baino, New Directors sailean –zinemagileen lehen eta bigarren obrak hartzen ditu– eta Nest sailean –mundu osoko zinema-eskoletako ikasleen film laburrak biltzen ditu– gainerakoetan baino emakumezko zuzendari, gidoilari eta muntatzaileen film gehiago jaso eta programatu baitziren.

Ehunekoak antzekoak dira bai inskribatu ziren eta Hautapen Batzordeak ikusi zituen filmen artean, bai Zinemaldiaren programazio ofizialean sartzeko hautatu zirenen artean. Batez beste, parte-hartzaileen % 70 gizonezkoak ziren eta % 30 emakumezkoak, eta aldea antzekoa da aztertutako sei kategorietan: zuzendaritza, produkzioa, gidoia, muntaketa, argazkia eta musika.

67. edizioaren datuak

Antolatzaileek emandako datuen arabera, oro har, hazkunde iraunkorra izaten ari da Zinemaldia, eta bere hazkunde-mugara hurbiltzen ari da. Bigarren urtez jarraian, errekorra gainditu du bai publikoaren asistentzian (178.687 ikusle), akreditazioen kopuruan (4.319) eta sarreren salmentaren ondoriozko bilketan (950.344 euro).

Zinema Zinemaldia

Zure interesekoa izan daiteke

Gehiago ikusi
Publizitatea
X