Zinemaldiak aurrera jarraitzen du, oraindik proiektatzeke dauden ikus-entzunezko lan askorekin
Donostia Zinemaldiaren 69. edizioak aurrera jarraitzen du, oraindik proiektatzeke dauden ikus-entzunezko lan askorekin. Testuinguru horretan, film eta dokumental ugari ikusteko aukera dago ostegun honetan, irailak 23. Hala, Sail Ofizialean, ondorengo hiru film hauek nabarmendu daitezke: "The grandmother", "Mediterraneo" eta "Quién lo impide". Dena dela, Zinemaldiaren parte diren beste lan batzuez ere goza daiteke: "Erlauntza" (Zinemira), "Red Rocket" (Perlak) eta "That Weekend" (New Directors).
"The grandmother" (100 min) filmean, Paco Plaza zuzendari, gidoilari eta ekoizle valentziarrak Susanaren bizitza kontatzen du. Hain zuzen ere, Parisen bizi da, eta Madrilera itzuli behar du, amonak buruko isuria izan baitu. Horrela, berarekin egun gutxi batzuk baino izan beharko ez luketena amesgaizto bihurtuko dira azkenean. Almudena Amor eta Vera Valdez dira film honetako protagonistak.
Marcel Barrena zuzendariak, berriz, "Mediterraneo" (112 min) filma aurkeztuko du Zinemaldian, ikuslea errealitate lazgarri baten aurrean jarriz. Film luze horretan ikus daitekeenez, milaka pertsonak bizia arriskuan jartzen dute egunero, itsasoa ontzietan zeharkatuz, gatazka armatuetatik ihesi.
2015ean, bi soroslek Lesbosera (Grezia) bidaiatzea erabaki zuten, Mediterraneoko uretan itotako haur baten argazkia ikusi ondoren. Eduard Fernandez, Dani Rovira, Anna Castillo eta Sergi Lopez dira protagonistak.
Urrezko Maskorra lortzeko lehian parte hartzen duen beste film bat "Quién lo impide" da, Jonas Truebak zuzendutakoa. Zehazki, nerabezaroari eta gaztaroari buruz dugun pertzepzioa aldatzeko gonbita egiten du. Dokumentala, fikzioa eta zuzeneko testigantzak uztartzen dituen lan honetan, nerabeak diren bezala baina gutxitan ikusten ditugun moduan ageri dira. Candela Recio, Pablo Hoyos, Silvio Aguilar eta Pablo Gavira aktoreak dira protagonista nagusiak.
Zinemira sailean, "Erlauntza" (92 min) filmaren proiekzioa nabarmendu behar da; Itziar Atienza, Naiara Arnedo, Sara Cozar, Getari Etxegarai, Aitziber Garmendia eta Leire Ruiz protagonista eta Mireia Gabilondo zuzendari dituena. Gaztaroko lagun-talde baten abenturak kontatzen ditu. Lagun horiek landetxe batera joan dira, horietako baten ezkon aurreko agurra ospatzera. Alabaina, ezer ez da garai batean bezala, eta inoiz aipatu ez dituzten kontuak berehala azaleratuko dira.
Sean Baker zuzendariak, bere aldetik, "Red Rocket" (130 min) lana aurkeztuko du Perlak sailaren baitan. Hain zuzen ere, Simon Rex, Suzanna Son, Bree Elrod eta Ethan Darbone aktoreek parte hartzen dute pelikula honetan. Mikey Saber Texasko jaioterrira itzuli da, baina inork ez du berriz ikusi nahi.
Halaber, Mara Pescio argentinarraren lehen film luzea ere izango da ikusgai Zinemaldian: "That Weekend" (67 min). Zehazki, Miss Bolivia, Irina Misisco eta Laura Kramer dira lan honetako protagonistak.
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.