Concha Velasco aktore espainiarra hil da
Concha Velasco aktore espainiar ezaguna hil da gaur, Madrilen, 84 urte zituela.
Valladoliden jaio zen, 1939ko azaroaren 29an, eta 84 urte bete berritan zendu da. 'Chica yeye' ezizenez ezaguna, aurkezle, abeslari eta dantzari lanak ere egin zituen.
"Zoritxarrez jakinarazten dizuegu gure ama, Concha Velasco, hil egin dela gaur, 02:00etan, Majadahondako Puerta de Hierro ospitalean, Sakramentu Santuak jasota, bere gaixotasunak okerrera egin ostean", adierazi du familiak komunikabideei igorritako mezu batean.
Bere azken lana bere seme Manuelek sortutako La habitación de María obra izan zen. Bertan, Isabel Chacon idazle ospetsua antzezten zuen. Bere izebaren izena eta amaren abizena hartzen ditu, agorafobia du eta teilatupe batean giltzapetuta bizi da, sute batek eraikina ebakuatzera behartzen duen arte.
2021eko irailaren 15ean, 81 urterekin, agertokietatik behin betiko erretiratu zen, Errioxako Bretón de los Herreros antzokian azken emanaldia egin ostean.
Betiereko 'chica ye ye' Espainiako artista ezagun eta maitatuenetako bat izan da, oso gazterik hasi zen karrera eginda, El día de los enamorados (1958), Historias de la televisión (1965) eta Las que tienen que servir (1967) filmek markatutakoa.
Velascok denbora asko eman zuen antzerkian, hainbat lanetan parte hartuta: Filomena Marturano (1979), Yo me bajo en la próxima, ¿y usted? (1981), Mamá quiero ser artista (1986), Carmen, Carmen (1988), La truhana (1992), Las manzanas del viernes (1999), Hello, Dolly! (2001), Inés desabrochada (2003), Hécuba (2013)...
Haren paper dramatikoen artean, Teresa de Jesús (1983) telesaila eta Tormento (1974), Pim, pam, pum... fuego! (1975), Esquilache (1989) eta Más allá del jardín (1996) lanak nabarmendu daitezke.
Ohorezko Goya saria jaso zuen 2012an, Ohorezko Max saria 2019an, emakumezko aktore onenaren Valle Inclán saria 2015ean (Hécuba), emakumezko aktore onenaren Ondas saria 2012an (Gran Hotel) eta Seminciren Urrezko Espiga saria 1985ean (La hora bruja).
Zure interesekoa izan daiteke
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.